மாற்று கட்சியில் இணைய கிரீன் சிக்னல் காட்டிய ரஜினி

ரஜினிகாந்த் ஜனவரி மாதம் கட்சி தொடங்குவதாக அறிவித்திருந்தார். ஆனால் தனது உடல்நலனைக் காரணம்காட்டி கட்சி தொடங்கும் முடிவை கைவிட்டார். இதனால் ரஜினி ரசிகர்கள் மிகுந்த ஏமாற்றம் அடைந்தனர்.

ரஜினிகாந்தை அரசியலுக்கு அழைத்து போராட்டம் நடத்தினர். ஆனால் ரஜினி தனது முடிவில் உறுதியாக உள்ளார். ரஜினிகாந்த் மூலம் அரசியலில் கால் பதிக்கலாம் என நினைத்திருந்த அவரது மன்ற நிர்வாகிகள் சிலர் வேறு கட்சிகளில் இணைந்து வருகின்றனர்,

தூத்துக்குடி மாவட்ட செயலாளர் ஜோசப் ஸ்டாலின், ராமநாதபுரம் மாவட்ட செயலாளர் செந்தில் செல்வனாத், தேனி மாவட்ட செயலாளர் கணேசன் உள்ளிட்டோர் திமுக தலைவர் மு.க.ஸ்டாலின் தலைமையில் நேற்று திமுகவில் இணைந்தனர்.

விஜய பாஸ்கரை குறி வைத்து நடத்தப்படும் விசாரணை: சிக்குவாரா அமைச்சர்?

இந்நிலையில் ரஜினி மக்கள் மன்ற நிர்வாகி சுதாகர் அறிக்கை ஒன்றை வெளியிட்டுள்ளார். “ரஜினி மக்கள் மன்றத்தில் உள்ளவர்கள் ஏதேனும் அரசியல் கட்சியில் இணைந்து செயல்பட விரும்பினால் ரஜினி மக்கள் மன்றத்திலிருந்து ராஜினாமா செய்துவிட்டு அவர்கள் விருப்பம் போல் எந்த அரசியல் கட்சியில் வேண்டுமானாலும் இணைந்து கொள்ளலாம்.

வேறு கட்சிகளில் இணைந்தாலும் அவர்கள் எப்போதும் நம் அன்புத் தலைவரின் ரசிகர்கள்தான் என்பதை ரஜினி மக்கள் மன்ற உறுப்பினர்கள் யாரும் மறந்துவிடக் கூடாது” என சுதாகர் அந்த அறிக்கையில் குறிப்பிட்டுள்ளார்.