கட்சியில் சேர ரஜினி அழைப்பு- வீடியோ

சென்னை : அரசியில் பிரவேசத்தை நேற்று உறுதி செய்த நடிகர் ரஜினிகாந்த், இன்று அவரின் கட்சியில் சேர ரசிகர்களுக்கு அழைப்பு விடுத்துள்ளார்.

ரஜினிகாந்த் அவரின் ரசிகர்களை ஒன்றிணைக்கும் பொருட்டும், அவரின் கட்சியில் இணைக்கும் விதமாக https://rajinimandram.org/ என்ற இணையதளத்தை தொடங்கியுள்ளதாக ரஜினி அறிவித்துள்ளார்.

ரஜினி தனது டுவிட்டரில் வெளியிட்டுள்ள வீடியோவில், “எனது அரசியல் பிரவேசத்தை வரவேற்ற அனைவருக்கும் நன்றி, ஒரு முக்கிய அறிவிப்பு என்னுடைய பதிவு செய்யப்பட்ட ரசிகர் மன்ற உறுப்பினர்களையும், பதிவு செய்யாத ரசிகர்களையும் ஒருங்கிணைக்க https://rajinimandram.org/ என்ற இணையதளம் உருவாக்கப்பட்டுள்ளது. அதில் உங்கள் பெயர், உங்கள் வோட்டர் ஐடி பதிவு செய்து உறுப்பினர் ஆகலாம்.” என தெரிவித்துள்ளார்.

அவரது இனையதளத்தில் “ இந்த இணையதள செயலி மற்றும் வலைதள பக்கத்தில் உங்களை மன்றத்தின் உறுப்பினராக வரவேற்பதில் பெரு மகிழ்ச்சி அடைகிறேன். இந்த செயலி நம்மிடையே தகவல் பரிமாற்றத்திற்கான ஊடகமாக மட்டுமின்றி, தமிழ்நாட்டில் நல்லதொரு மாற்றத்தை விரும்பும் அனைத்து தரப்பு மக்களையும் ஒருங்கிணைக்கும் ஒரு கருவியாகவும் செயல்படும். உங்கள் அனைவருடைய ஒத்துழைப்புடனும்,நல் ஆதரவுடனும், நாம் அனைவரும் ஒன்றிணைந்து அனைத்து துறைகளிலும் சிறந்து விளங்கும் வளமான ஒரு தமிழ்நாட்டை உருவாக்குவோம்.” என்று குறிப்பிடப்பட்டுள்ளது.

இந்த இணையதளத்திலும், வீடியோவிலும் பாபா முத்திரை உள்ளது.

🤘🏻🙏🏻 pic.twitter.com/jnqZv1iWGz — Rajinikanth (@superstarrajini) January 1, 2018