உத்தரகண்ட்டில் குடியரசு தலைவர் ஆட்சி அமல்: ராமதாஸ் கண்டனம்

சென்னை: உத்தரகண்ட் மாநிலத்தில் குடியரசு தலைவர் ஆட்சி அமல்பட்டதற்கு பாமக தலைவர் ராமதாஸ் கடும் கண்டம் தெரிவித்துள்ளார்.

இது குறித்து அவர் தனது டிவிட்டர் வலைதளத்தில் கூறியிருப்பதாவது, "உத்தரகண்டில் காங்கிரஸ் அரசு கலைப்பு. குடியரசுத் தலைவர் ஆட்சி: ஜனநாயகத்தை மதிக்காத சர்வாதிகாரம் ஒரு போதும் வெல்லாது.

உத்தரகண்டில் குடியரசுதலைவர் ஆட்சி: அருணாச்சல பிரதேசத்தில் உச்சநீதிமன்றத்திடம் குட்டு வாங்கியும்மத்திய அரசு திருந்தவில்லை என்பதற்கு உதாரணம்" என்று ராமதாஸ் கூறியுள்ளார்.

முன்னதாக, நேற்று உத்தரகண்ட் மாநில ஆளுநர் கே. கே. பாலின் அறிக்கையை ஏற்று, உத்தரகண்ட் மாநிலத்தில் குடியரசு தலைவர் ஆட்சி அமல் செய்யப்பட்டது குறிப்பிடத்தக்கது.