corona: சென்னையில் எந்தெந்த பகுதிகளில் எவ்வளவு பாதிப்புகள் ?

தமிழகத்தில் கொரோனா பாதிப்பு நாளுக்கு நாள் அதிகரித்து வருகிறது. இதுவரை 2,323 பேருக்கு தமிழகத்தில் கொரோனா பாதிப்பு உறுதி செய்யப்பட்டுள்ளது. தமிழகத்தில் உள்ள 37 மாவட்டங்களில் கிருஷ்ணகிரி மாவட்டத்தைத் தவிர அனைத்து மாவட்டங்களும் ஆரஞ்சு மற்றும் சிவப்பு பகுதிகளாகவே உள்ளன.

தமிழகத்திலேயே அதிகம் பாதிக்கப்பட்ட மாவட்டமாக சென்னை உள்ளது. சென்னை ஒரு மாவட்டத்தில் மட்டும் நேற்றைய தினம் மட்டும் சென்னையில் 138 பேர் பாதிக்கப்பட்ட நிலையில் இதுவரை 906பேருக்கு கொரோனா பாதிப்பு ஏற்பட்டுள்ளது.

குறிப்பாக ராயபுரம் மற்றும் திரு.வி.க. நகர் ஆகிய பகுதிகள் சென்னைக்குள் அதிக பாதிப்பு உள்ள மண்டலங்களாக இருந்தன. திருவிக நகர் இரண்டாவது இடத்தில் இருந்தது.


இந்நிலையில் மே 1ஆம் தேதி காலை நிலவரப்படி, சென்னையின் 15 மண்டலங்களில் அதிகம் பாதிக்கப்பட்ட பகுதியாக திரு.வி.க. தற்போது நகர் உள்ளது. ஏப்ரல், 30 ஆம் தேதி அதிகபட்சமாக 41 பேருக்கு பாதிப்பு உறுதி செய்யப்பட்ட நிலையில் 210 பேர் திரு.வி.க. நகரில் பாதிக்கப்பட்டுள்ளனர். ராயபுரத்தில் 199 பேர் பாதிக்கப்பட்டுள்ளனர்.


சென்னையின் மற்ற பகுதிகளைக் காட்டிலும் ராயபுரத்திலும் திருவிக நகரிலும் பாதிப்பு எண்ணிக்கை வேகமாக உயர்ந்து வருகிறது.