ஆர்.கே.நகர் தோல்வி; 120க்கும் மேற்பட்ட திமுக நிர்வாகிகள் அதிரடி நீக்கம்!

முன்னாள் முதலமைச்சர் ஜெயலலிதா மறைவை அடுத்து, ஆர்.கே.நகர் தொகுதி காலியானது. இதையடுத்து நடத்தப்பட்ட இடைத்தேர்தலில் சுயேட்சை வேட்பாளர் டிடிவி தினகரன் அபார வெற்றி பெற்றார்.

எதிர்த்துப் போட்டியிட்ட திமுக வேட்பாளர் மருது கணேஷ் டெபாசிட் இழந்து படுதோல்வியை தழுவினார். இதையடுத்து சக்கரபாணி தலைமையில் விசாரணைக்குழு அமைக்கப்பட்டது.

இதன் அறிக்கை சமர்பிக்கப்பட்டுள்ள நிலையில், திமுக தலைமை அதிரடி நடவடிக்கை மேற்கொண்டுள்ளது.

அதன்படி, ஆர்.கே.நகரில் 120க்கும் மேற்பட்ட திமுக நிர்வாகிகள் பொறுப்புகளிலிருந்து நீக்கம் செய்யப்பட்டுள்ளனர்.

மேலும் 14 வட்டக் கழகங்களையும் திமுக அதிரடியாக கலைத்திருப்பதாக தகவல் தெரிவிக்கப்பட்டுள்ளது. இதன்மூலம் கட்சிக்கு புத்துயிர் ஊட்டி மீண்டும் எழுச்சி அரசியலில் திமுக இறங்கும் என்று கூறப்படுகிறது.

RK Nagar DMK members are removed from their positions.