திருமங்கலம் அருகே சாலை விபத்து: 6 பேர் படுகாயம்

மதுரை: திருமங்கலம் அருகே நிகழ்ந்த சாலை விபத்தில் சிக்கி 6 பேர் படுகாயமடைந்துள்ளனர்.

மதுரை மாவட்டம் திருமங்கலம் அருகே ஆம்னி பேருந்தும், லாரியும் நேருக்கு நேர் மோதி விபத்து நிகழ்ந்துள்ளது.

இந்த விபத்தில் பேருந்தில் பயணம் செய்த ஆறு பேர் படுகாயமடைந்தனர். படுகாயமடைந்த அனைவரும் சிகிச்சைக்காக மருத்துவமனையில் அனுமதிக்கப்பட்டுள்ளனர்.

விபத்துக்கான காரணம் குறித்து இதுவரை எவ்வித தகவலும் வெளியாகவில்லை. இருப்பினும், இச் சம்பவம் குறித்து வழக்குப்பதிவு செய்துள்ள போலீசார், விசாரணை மேற்கொண்டு வருகின்றனர்.

ஆம்னி பேருந்தும், லாரியும் நேருக்கு நேர் மோதிக் கொண்ட விபத்தினால், அப்பகுதியில் போக்குவரத்துக்கு பாதிப்பு ஏற்பட்டது.
Road accident near thirumangalam: 6 injured