ரஜினி முடிவு: 1996 திரும்புகிறதா? குருமூர்த்தி சொல்வது இதுதான்!

25 ஆண்டுகளுக்கும் மேலாக ரஜினி அரசியலுக்கு வருவார் என எதிர்பார்த்து காத்துக்கொண்டிருந்த ரசிகர்களுக்கு மிகுந்த ஏமாற்றத்தை அளிக்கும் விதமாக ரஜினியின் அறிவிப்பு வெளியாகியுள்ளது.

அதே சமயம் ரஜினி தனது உடல் நிலை காரணாமாக இந்த முடிவெடுத்துள்ளதால் ரசிகர்கள் தங்கள் மனதை தேற்றிவருகின்றனர். ரஜினியை அரசியலுக்கு இழுத்துவருவதில் ரசிகர்கள் எவ்வளவு ஆர்வம் காட்டினார்களோ அதே அளவு ஆர்வத்தை காட்டியவர் ஆடிட்டர் குருமூர்த்தி.

பாஜக சார்பில் ரஜினியோடு பேச்சுவார்த்தை நடத்தியது ஆடிட்டர் குருமூர்த்தி தான். ரஜினி பெயரில் சமீபத்தில் ஒரு கடிதம் வெளியானபின் அவர் அதில் தெரிவித்த கருத்துகள் உண்மை தான் என்று கூறியிருந்தார். அந்த சமயமும் குருமூர்த்தி ரஜினியோடு நீண்ட நேரம் ஆலோசனை நடத்தினார்.

ரஜினி கட்சி தொடங்கவில்லை: மன்னிப்பு கேட்டார்!

தற்போது அவர் அரசியல் கட்சி தொடங்கப்போவதில்லை என்று அறிவித்துள்ள நிலையில் குருமூர்த்தி, “ரஜினிகாந்தின் முடிவு தவிர்க்க முடியாதது. ஆனால் அரசியலில் நேரடியாக இல்லாமல் அவர் தமிழக மக்களுக்கு சேவை செய்வார் என்று அவர் கூறியதன் இறுதி பாராவைப் படியுங்கள். எனது மதிப்பீட்டில் 1996 போல அவர் தமிழ்நாட்டு அரசியலில் தாக்கத்தை ஏற்படுத்துவார்” என்று கூறியுள்ளார்.