சேலம் கொளத்தூர் ஒன்றியத்தில் தேர்தல் ஒத்திவைப்பு: காரணம் தெரியுமா?

ஊரக உள்ளாட்சித் தேர்தலில் 1 மணி நிலவரப்படி 314 ஒன்றியத் தலைவர் பதவிகளில் அதிமுக 135 இடங்களையும் திமுக 112 இடங்களையும் கைப்பற்றியுள்ளன.

மொத்தமுள்ள 27 மாவட்ட ஊராட்சித் தலைவர் பதவிகளில் அதிமுக 13 இடங்களிலும் திமுக 12 இடங்களிலும் வெற்றி பெற்றுள்ளன.

சேலம் கொளத்தூர் ஒன்றியத்தில் அதிமுக கூட்டணியில் அதிமுக 3 இடங்களிலும், பாமக 3 இடங்களிலும் வெற்றி பெற்றன. திமுக 4 இடங்களில் வெற்றி பெற்றது. சுயேச்சைகள் 2 இடங்களில் வெற்றி பெற்றிருந்தனர். அதிமுக கூட்டணிக்கான 6 இடங்களோடு சுயேச்சைகள் 2 பேரும் அந்தக் கூட்டணிக்கு ஆதரவு அளிப்பதாக கூறப்பட்டது.

Live updates: ஊரக உள்ளாட்சித் தேர்தல்: யாருக்கு எத்தனை இடங்கள்?

கொளத்தூர் ஒன்றியத் தலைவர் பதவி தாழ்த்தப்பட்டோருக்காக ஒதுக்கப்பட்டிருந்தது. அதிமுக கூட்டணி உறுப்பினர்கள், சுயேச்சைகள் யாருமே தாழ்த்தப்பட்ட சமூகத்தைச் சேர்ந்தவர்கள் அல்ல. திமுகவைச் சேர்ந்த ஒரு உறுப்பினர் மட்டுமே தாழ்த்தப்பட்ட சமூகத்தைச் சேர்ந்தவர்.

உள்ளாட்சித் தேர்தல்: மாவட்டங்கள், ஒன்றியங்களைக் கைப்பற்றப் போவது யார்?

இந்நிலையில் இன்று நடைபெறும் மறைமுகத் தேர்தலை அதிமுகவினரும் சுயேச்சைகளும் புறக்கணித்துள்ளனர். திமுகவைச் சேர்ந்த 4 பேர் மட்டுமே தேர்தலுக்கு வந்துள்ளனர்.

இதனால் தேர்தலில் வாக்களிக்க போதுமான உறுப்பினர்கள் இல்லை என்பதால் தேர்தல் அலுவலர்கள் தேர்தலை ஒத்திவைத்துள்ளனர்.