ஓபிஎஸ் - இபிஎஸ் ஏரியாவில் சவுண்டு கூட்டும் சசிகலா

ஓ.பன்னீர்செல்வம், எடப்பாடி பழனிசாமி தலைமையில் அதிமுக தற்போது இயங்கி வரும் நிலையில் கட்சியை கைப்பற்றும் நோக்கில் சசிகலா அதிமுக தொண்டர்களை அழைத்து பேசிவருகிறார். சசிகலா தொண்டர்களிடம் பேசும் வீடியோ தினமும் வெளியாகி வருகிறது.

அதிமுகவுக்குள் இன்னும் தனக்கு ஆதரவு இருக்கிறது என்பதைக் காட்ட சசிகலா இதை தொடர்ந்து செய்கிறார். இதில் ஓபிஎஸ், இபிஎஸ் பகுதிகளைச் சேர்ந்த நிர்வாகிகள், தொண்டர்கள் மத்தியிலும் தனக்கு செல்வாக்கு இருப்பதாக காட்டி வருகிறார்.
இது மட்டும் நடந்துருந்தா எடப்பாடி தான் இப்போ சி.எம்! - ஆர்.பி.உதயகுமார்
அந்த வகையில் எடப்பாடி பழனிசாமியின் சொந்த மாவட்டமான சேலம் பகுதி நிர்வாகிகளுடன் பேசியதால் அவர்களை கட்சியிலிருந்து நீக்கியுள்ளனர். சி.செல்லத்துரை சேலம் புறநகர் மாவட்ட விவசாயப் பிரிவுச் செயலாளர், ஆர்.பாலாஜி தங்காயூர் ஊராட்சி மன்றத் தலைவர் கொங்கணாபுரம் ஒன்றியம், சேலம் புறநகர் மாவட்டத்தைச் சேர்ந்த சுரேஷ் (மாவட்ட மீனவர் பிரிவு முன்னாள் செயலாளர்) மீனா தியாகராஜன் (நரசிங்கபுரம் நகர கழக மாவட்ட பிரதிநிதி) தியாகராஜன் (நரசிங்கபுரம் நகர 11-வது வார்டு கழக செயலாளர்) ஆகியோர் நீக்கப்பட்டுள்ளனர்.

பாஜக பாணியில் கட்சி வளர்க்கும் திமுக: தோப்பு வெங்கடாசலம் விக்கெட்!

அதுதவிர பிறபகுதிகளைச் சேர்ந்த நிர்வாகிகளும் கட்சியின் அடிப்படை உறுப்பினர் மற்றும் அனைத்து பொறுப்பிலிருந்தும் நீக்கப்பட்டுள்ளனர். கள்ளக்குறிச்சி மாவட்டத்தை சேர்ந்த ஆனந்த் (மாவட்ட வழக்கறிஞர் பிரிவு துணை செயலாளர்), பொன்ராஜ் (விளாத்திகுளம் பேரூராட்சி புரட்சித்தலைவி பேரவை செயலாளர்) வேங்கையன் (மாவட்ட அமைப்பு சாரா ஓட்டுநர்கள் அணி இணை செயலாளர்), தூத்துக்குடி வடக்கு மாவட்டத்தை சேர்ந்த (ரூபன் K.வேலவன்) மாவட்ட புரட்சித் தலைவி பேரவை இணை செயலாளர் ஆகியோரின் சீட் கிழிக்கப்பட்டுள்ளது.
பாஜக பாணியில் கட்சி வளர்க்கும் திமுக: தோப்பு வெங்கடாசலம் விக்கெட்!
எடப்பாடி பழனிசாமி பகுதி நிர்வாகிகளைப் போல் ஓபிஎஸ் பகுதி நிர்வாகிகளிடமும் சசிகலா இதற்கு முன் பேசியுள்ளார். இப்போதும் பேசி வருகிறார். அவர்களும் கட்சியிலிருந்து தூக்கப்படுகின்றனர். இந்நிலையில் ஓபிஎஸ் தொகுதிக்குள்ளேயே சசிகலா வரவேண்டும் என போஸ்டர்கள் ஒட்டப்பட்டுள்ளன. தேனி மாவட்டம் பெரியகுளம் , போடிநாயக்கனுர் பகுதிகளில் இந்த போஸ்டர்கள் அதிகம் காணப்படுகின்றன.