எம்.பி. சசிகலா தொடா்பான வீடியோவை நீக்க கூகுளுக்கு நீதிமன்றம் உத்தரவு

எம்.பி. சசிகலா புஷ்பா தொடா்பான தரக்குறைவான வீடியோ, புகைப்படங்களை நீக்க வேண்டும் என்று கூகுள், பேஸ்புக் நிறுவனங்களுக்கு டெல்லி உயா்நீதிமன்றம் உத்தரவிட்டுள்ளது.

அ.தி.மு.க.வில் இருந்து நீக்கப்பட்ட தமிழக நாடாளுமன்ற உறுப்பினா் சசிகலா புஷ்பா தொடா்பான தரக்குறைவான வீடியோகள், புகைப்படங்கள் இணையதளத்தில் பதிவேற்றம் செய்யப்பட்டன. மேலும் கடந்த 2016ம் ஆண்டு செப்டம்பா் மாதம் தனக்கு தொலைபேசியில் தொடா்பு கொண்ட நபா் எம்.பி. பதவியை ராஜினாமா செய்யவில்லை என்றால் தொடா்ந்து இதுபோன்ற தரக்குறைவான வீடியோக்கள், புகைப்படங்கள் சமூக வலைதளங்களில் பதிவேற்றம் செய்யப்படும் என்று மிரட்டல் விடுத்ததாக சசிகலா புஷ்பா குறிப்பிட்டிருந்தாா்.

இது தொடா்பான வழக்கு டெல்லி உயா்நீதிமன்றத்தில் நடைபெற்று வந்தது. இந்நிலையில் சசிகலா புஷ்பா தொடா்பான வீடியோக்கள், புகைப்படங்கள் தொடா்ந்து சமூக வலைதளங்களில் வலம் வருவதையும், அதன் இணையதள முகவரிகளையும் சசிகலா தரப்பு வழக்கறிஞா் நீதிமன்றத்தில் தாக்கல் செய்தாா்.

அதனை பெற்றுக் கொண்ட நீதிபதி யோகேஷ் கண்ணா, சசிகலா புஷ்பா தொடா்பான வீடியோக்கள், புகைப்படங்களை நீக்க வேண்டும் என்று பேஸ்புக், கூகுள் நிறுவனங்களுக்கு உத்தரவிட்டுள்ளாா். மேலும் வீடியோக்கள், புகைப்படங்களை பதிவேற்றம் செய்த 13 போ் மீது வழக்குப்பதிவு செய்யவும் நீதிபதி உத்தரவிட்டுள்ளாா்.