ஆப்நகரம்

ஆர்.கே.நகர் இடைத்தேர்தலையே தாங்க முடியாது! இதுல 11 தொகுதியா? வேண்டவே வேண்டாம்: தினகரன்

ஓ.பன்னீர்செல்வம் அணியின் 11 எம்.எல்.ஏக்கள் மீதான நடவடிக்கையை கைவிட தினகரன் முடிவு செய்துள்ளார்.

TNN 9 Mar 2017, 3:14 pm
ஆர்.நகர் தொகுதியில் வரும் ஏப்ரல் 12ம் தேதி இடைத்தேர்தல் நடக்கயிருக்கிறது. இந்நிலையில், ஆர்கே நகர் தொகுதி இடைத்தேர்தலையே எதிர்கொள்ள முடியாமல் திணறிக் கொண்டிருக்கும் நிலையில் 11 தொகுதிகளுக்கு இடைத்தேர்தல் நடந்தால் தாங்க முடியாது என கூறி ஓபிஎஸ் ஆதரவு எம்.எல்.ஏக்கள் மீதான நடவடிக்கையை கைவிட திட்டமிட்டுள்ளாராம் டிடிவி தினகரன்.
Samayam Tamil sasikala team not take action against opanneerselvams supporting mlas
ஆர்.கே.நகர் இடைத்தேர்தலையே தாங்க முடியாது! இதுல 11 தொகுதியா? வேண்டவே வேண்டாம்: தினகரன்


இது தொடர்பாக சசிகலா அணியின் மூத்த தலைவர்களை அழைத்து சமீபத்தில் அதிமுகவின் துணை பொதுச்செயலாளர் தினகரன் ஆலோசனை நடத்தியிருக்கிறார்.

அப்போது ஓபிஎஸ் ஆதரவு 11 எம்.எல்.ஏக்கள் மீது ஒழுங்கு நடவடிக்கை எடுக்கலாம் என யோசனை தெரிவித்திருக்கிறார். ஆனால் நிர்வாகிகளோ, தேர்தல் ஆணையத்தில் சசிகலாவின் பொதுச்செயலாளர் நியமனமே கேள்விக்குறியாகி இருக்கிறது. இதில், ஓபிஎஸ் ஆதரவு எம்.எல்.ஏக்கள் மீது நடவடிக்கை எடுத்தால் அது சிக்கல் தான் என்று கூறியுள்ளனர்.

ஒருவேளை அவர்களை கட்சியில் இருந்து நீக்கினால் 11 தொகுதியிலும் இடைத்தேர்தல் வரும். அப்படி இடைத்தேர்தல் வந்தால் திமுக எளிதாக வென்றுவிடும் என்று எச்சரித்துள்ளனர். இதனை கேட்டுக்கொண்டிருந்த தினகரன் முதலில் ஆர்.நகர் தொகுதியில் ஜெயிப்பதை பற்றி யோசிப்போம். அதன் பிறகு ஓபிஎஸ் ஆதரவு எம்.எல்.ஏக்கள் பற்றி முடிவு எடுக்கலாம் என்று தெரிவித்துள்ளாராம்.

அடுத்த செய்தி