ஜெ., சிகிச்சையின் போது சசிகலா எடுத்த வீடியோ ஆதாரம் உள்ளது; டிடிவி தினகரன்!

சென்னை: ஜெயலலிதா சிகிச்சை பெற்ற போது, நடந்த நிகழ்வுகள் குறித்து டிடிவி தினகரன் செய்தியாளர் சந்திப்பில் தெரிவித்துள்ளார்.

சென்னையில் செய்தியாளர்களிடம் பேசிய டிடிவி தினகரன், ஜெயலலிதா உயிரோடு இருந்திருந்தால் அவரையும் நீக்கியிருப்பார்களோ என தோன்றுகிறது.

ஜெயலலிதா மறைந்ததும் அதிமுகவை சிறு சலசலப்பும் இல்லாமல் கட்டிக் காத்தவர் சசிகலா. ஜெயலலிதா மரணம் குறித்து சில அமைச்சர்கள் புதிதாகப் பேசத் தொடங்கியுள்ளனர்; பதவியை தக்க வைப்பதற்காக அவர்கள் பேசுகின்றனர்.

திமுகவுடன் எங்கள் தரப்புக்கு எந்தத் தொடர்பும் இல்லை. துணை முதலமைச்சர் பதவியை வாங்குவதற்காகவே ஓ.பன்னீர் செல்வம் நாடகமாடியது வெளிச்சமாகிவிட்டது.

மருத்துவமனையில் ஜெயலலிதா சிகிச்சை பெறும் போது, சசிகலாவே எடுத்த வீடியோ உள்ளது. மருத்துவமனையில் சிகிச்சை பெற்ற போது ஜெயலலிதா நைட்டி உடையில் இருந்ததால் வீடியோவை வெளியிடவில்லை.

விசாரணையின் போது உரிய நேரத்தில் வீடியோவை அளிக்க தயாராக உள்ளோம்.

முதலமைச்சர் தைரியமாக இருந்தால் பதவி விலகி மீண்டும் தேர்வாக நடவடிக்கை எடுக்கலாம். தேர்தல் பரப்புரையில் சசிகலா படத்தைப் போடாததற்கு நான் காரணமல்ல, நிர்வாகிகளே காரணம்.

ஜெயலலிதா மரணம் குறித்து சிபிஐ மட்டுமல்ல, இன்டர்போல் விசாரிக்கவும் நாங்கள் தயார்.

திமுகவைப் போல் ஓ.பன்னீர்செல்வம் உள்பட 12 எம்.எல்.ஏக்களை தகுதி நீக்கம் செய்யக் கோரி வழக்கு தொடுப்போம் என்று டிடிவி தினகரன் தெரிவித்துள்ளார்.

Sasikala took video of Jaya says TTV.