முதல்வராக வரும் 9-ம் தேதி பதவிஏற்க்கிறார் சசிகலா

சென்னை : தமிழக முதல்வராக சசிகலா வரும் 9-ம் தேதி பதவியேற்க இருப்பதாக தகவல்கள் வெளியாகியுள்ளனர், அவருடன் புதிய அமைச்சரவையும் பதவியேற்கும் என்று தகவல்கள் வெளியாகியுள்ளனர்.

அதிமுக சட்டசபை உறுப்பினர்கள் கூட்டம் இன்று மதியம் நடைபெற்றது. இக்கூட்டத்தில் முதல்வர் ஓ.பன்னீர்செல்வம் உள்பட 136 எம்எல்ஏக்களும் கலந்துகொண்டனர். இதில் அக்கட்சியின் பொதுச்செயலாளர் சசிகலா அதிமுக சட்டபசபை குழுவின் தலைவராக அறிவிக்கப்பட்டார்.

இதனையடுத்து, அவர் தமிழக முதல்வராக சசிகலா வரும் பிப்ரவரி 9ஆம் தேதி தமிழக முதல்வராக பதவியேற்பார் என்று தகவல் வெளியாகியுள்ளது. அவருடன் புதிய அமைச்சரவையும் பதவியேற்க்கும் என்று ஏதிர்பார்க்கப்படுகிறது.

முதல்வராக பதவியேற்றதும் அடுத்த ஆறு மாதங்களில் ஏதேனும் ஒரு சட்டசபை தொகுதியில் சசிகலா சட்டசபை உறுப்பினராக தேர்வாக வேண்டும். அப்போது தான் முதல்வர் பதவியில் நீடிக்க முடியும் என்பது குறிப்பிடத்தக்கது.

அதிமுக சட்டசபை உறுப்பினர்களின் கூட்டத்திற்கு முன்னதாக போயஸ் கார்டனில் சசிகலாவுடன் தமிழக முதல்வர் ஓ.பன்னீர் செல்வம் மற்றும் ஏனைய அமைச்சர்கள் ஆலோசனை நடத்தினார்கள். இந்த கூட்டத்தில் முதல்வர் ஓ.பன்னீர் செல்வம் தனது ராஜினாமா கடிதத்தை சசிகலாவிடம் வழங்கியதாக கூறப்படுகிறது.