ஆப்நகரம்

ஸ்டொ்லைட் ஆலையை திறக்கக்கோாிய மனுவை தள்ளுபடி செய்தது உச்சநீதிமன்றம்

பராமரிப்புப் பணிகளுக்காக ஸ்டொ்லைட் ஆலையை திறக்க அனுமதி அளிக்க தமிழக அரசுக்கு உத்தரவிடக் கோாிய வேதாந்தா நிறுவனத்தின் மனுவை தள்ளுபடி செய்து உச்சநீதிமன்றம் உத்தரவிட்டுள்ளது.

Samayam Tamil 12 Apr 2019, 12:06 pm
பராமாிப்பு பணிக்காக தூத்துக்குடி ஸ்டொ்லைட் ஆலையை திறக்க அனுமதி வழங்குமாறு தமிழக அரசுக்கு உத்தரவிட வேண்டும் என்று உச்சநீதிமன்றத்தில் தாக்கல் செய்யப்பட்ட வேதாந்தா நிறுவனத்தின் மனு தள்ளுபடி செய்யப்பட்டது.
Samayam Tamil Sterlite Factory 1


தூத்துக்குடி மாவட்டத்தில் செயல்பட்டு வந்த வேதாந்தா நிறுவனத்தின், ஸ்டொ்லைட் ஆலையை மூடக்கோாி பேரணியாக சென்றவா்கள் மீது காவல் துறையினா் நடத்திய துப்பாக்கிச் சூட்டில் 13 போ் சுட்டு கொல்லப்பட்டனா். இதனைத் தொடா்ந்து ஆலையை நிரந்தரமாக மூடுவதாக தமிழக அரசு உத்தரவிட்டது.

இதனைத் தொடா்ந்து பராமரிப்பு பணிகளுக்காக ஆலையை திறக்க அனுமதிக்க வேண்டும் என்று வேதாந்தா குழுமம் சாா்பில் சென்னை உயா்நீதிமன்றத்தில் வழக்கு தொடரப்பட்டு இருந்தது. ஆனால், உயா்நீதிமன்றத்தில் விசாரணை மெதுவாக நடைபெறுவதாக உச்சநீதிமன்றத்தில் முறையீடு செய்த ஆலை நிா்வாகம், பராமரிப்பு பணிகளுக்காக ஆலையை திறக்க தமிழக அரசுக்கு உத்தரவிட வேண்டும் என்று குறிப்பிட்டு இருந்தது.

இந்த வழக்கு இன்று விசாரணைக்கு எடுத்துக்கொள்ளப்பட்ட நிலையில், ஏற்கனவே கழிவுகளை அகற்ற கால அவகாசம் வழங்கப்பட்டுள்ளது, அது மட்டுமல்லாமல் சென்னை உயர் நீதிமன்றத்தில் இது தொடர்பான வழக்கு விசாரணையில் இருக்கும் போது, அதனை மீறி உச்ச நீதிமன்றம் விசாரிக்க முடியாது என்று கூறி மனுவை தள்ளுபடி செய்தனா்.

மேலும், இதன் பின்னரும் இது போன்று வழக்குத் தொடா்ந்தால் அபராதம் விதிக்க நேரிடும் என்று நீதிபதிகள் உத்தரவிட்டுள்ளனா்.

அடுத்த செய்தி