யார் யாரோ அரசியலுக்கு வராங்க.. நடிகர் விஜய் தான வரட்டோம்... சீமான் ரெடி.! விஜய்??

விஜய் படத்தில் அரசியல் இருப்பதும் அல்லது அவர் நடிக்கும் படம் அரசியலாகுவதும் இயல்பாகிவிட்டது. விஜய் ரசிகர்கள் பலர் அவரை வருங்கால முதல்வராகவே நினைத்துவிட்டனர்.

இவர் நடித்து வெளியாகும் ஒவ்வொரு படத்தின் பேனர்களிலும், சுவரொட்டிகளிலும் அரசியல் வாசகங்கள் நிச்சயம் இடம்பெறும். இந்நிலையில், இன்று சென்னையில் செய்தியாளர்களை சந்தித்த சீமான் நடிகர் விஜயையும், ரஜினியையும் ஒப்பிட்டு பேசியுள்ளார்.

இன்றைய தமிழ் சினிமாவில் ரஜினிக்கும், விஜய்க்கும் மட்டுமே நேரடி போட்டி நிலவி வருகிறது. ரஜினியின் இடத்தை விஜயால் மட்டுமே பிடிக்க முடியும். விரைவில் அந்த இடத்தை விஜய் பிடிப்பார். அவர் பல திறமைகளை கொண்ட தலை சிறந்த கலைஞன்.

தமிழ்நாட்டில் யார் யாரோ அரசியலுக்கு வரும்போது நடிகர் விஜய் வருவதில் என்ன தப்பு என்றும் செய்தியாளர்களை பார்த்து கேள்வி எழுப்பினார். இந்த செய்தி அனைத்து விஜய் ரசிகர்களுக்கும் மேலும் குஷிப்படுத்தியுள்ளது.

தமிழக முதல்வர் பழனிச்சாமியின் வெளிநாட்டு பயணம் குறித்து பேசும்பொழுது சீமான் தனது ஆதரவை தெரிவித்தார். அயல்நாட்டில் கோட் சூட் அணிந்து நிகழ்ச்சிகளில் பங்கேற்கும் தமிழக முதல்வரை கிண்டல் செய்கிறார்களே என்பது பற்றி கேள்வி எழுப்பப்பட்டது.

அதற்கு சீமான் கூறியதாவது,வேலையில்லாதவர்களே ஆடை பற்றி விமர்சனம் செய்வார்கள். என்ன இருந்தாலும் இந்த மண்ணின் முதலமைச்சரை விட்டு கொடுக்க முடியாது என்றார். சீமானின் இந்த பேச்சு அனைவரையும் கவர்ந்துள்ளது.