ஓபிஎஸ் அணிக்கு ஆதராவா ? : செந்தில் பாலாஜி பதில்

சென்னை : அரவக்குறிச்சி எம்.எல்.ஏவான செந்தில் பாலாஜி ஓபிஎஸ் அணிக்கு தாவ இருப்பதாக தகவல்கள் வெளியான நிலையில் அது வதந்தி என செந்தில் பாலாஜி தெரிவித்துள்ளார்.

ஜெயலலிதாவின் மறைவுக்கு பிறகு அதிமுக சசி அணி, ஓபிஎஸ் அணி என் இரண்டாக பிளவுப்பட்டுள்ளது. இந்த அணியில் இருந்து அந்த அணிக்கும், அந்த அணியில் இருந்து இந்த அணிக்கு சிலர் மாறி வருகின்றனர்.


இந்தநிலையில் அதிமுகவின் முன்னாள் அமைச்சரும், அரவக்குறிச்சி எம்.எல்.ஏவுமான செந்தில் பாலாஜி ஓபிஎஸ் அணிக்கு மாற இருப்பதாக தகவல்கள் சமூக வலைதளங்களில் பரப்பப்பட்டது. இந்த நிலையில் இதுகுறித்து செந்தில் பாலாஜி விளக்கமளித்துள்ளார். இந்த தகவல் குறித்து அவர் கூறும் போது, " சசிகலா தலைமையிலான அதிமுக அணியில் இருந்து வேறு அணிக்கு செல்வதாக கூறப்படுவது வதந்தியே. உயிர் உள்ளவரை சசிகலா தலைமையிலான அதிமுகவில்தான் இருப்பேன்" என்று அவர் கூறியுள்ளார்.


முன்னாள் அமைச்சரான செந்தில் பாலாஜி அதிமுகவில் ஜெயலலிதா இருந்த போது மிகவும் செல்வாக்குள்ளவராக சிறுது காலம் செயல்ப்பட்டார்.ஜெயலலிதா சிறை சென்ற போது அடுத்த முதல்வர் யார் என்ற கேள்வி எழுந்த போது செந்தில் பாலாஜியின் பெயரும் அந்த பரிசிலிக்கப்பட்டதாக செய்திகள் அப்போது வெளியானது.

senthil balaji support sasikala camp