திருநங்கைகளுக்கு தனி மருத்துவமனை, சிறப்புப் பிரிவு: தமிழக அரசு அறிவிப்பு!

சென்னை: திருநங்கைகளுக்கு தனி மருத்துவமனை உருவாக்கப்படும் என்று அமைச்சர் விஜய பாஸ்கர் தெரிவித்துள்ளார்.

புதுக்கோட்டை மாவட்டம் பாப்பாபட்டியில் உள்ள ஆரம்ப சுகாதார நிலையத்தை, சுகாதாரத் துறை அமைச்சர் விஜய பாஸ்கர் ஆய்வு செய்தார்.

பின்னர் செய்தியாளர்களிடம் பேசிய அவர், மானியக் கோரிக்கை மீதான விவாதத்தில் இ-சிகரெட் தடை அறிவிப்பு உள்ளிட்ட பல அறிவிப்புகள் வெளியிடப்பட்டன.

இதற்கு பொதுமக்களிடம் பெரும் வரவேற்பு கிடைத்துள்ளது. பருவகால நோய்களுக்கு போதிய மருந்துகள் இருப்பில் உள்ளன.

புற்றுநோய், சர்க்கரை நோய் உள்ளிட்டவற்றை வீடுகள் தோறும் சென்று கண்டறியும் திட்டம் அமல்படுத்தப்படும்.

இதனை நடப்பாண்டிலேயே அறிமுகம் செய்ய நடவடிக்கை மேற்கொள்ளப்பட்டு வருகிறது. தமிழகத்தில் திருநங்கைகளுக்கு தனி மருத்துவமனைகளும், சிறப்பு பிரிவுகளும் தொடங்கப்பட உள்ளன.

Separate hospital for Transgender in Tamilnadu says Minister Vijaya Bhaskar.