ஆர்கேநகர் தொகுதிக்கு தனித் தேர்தல் அறிக்கை: தினகரன்

சென்னை: ஆர்கேநகர் இடைத்தேர்தலுக்கு தனித் தேர்தல் அறிக்கை வெளியிடப்படும் என அத்தொகுதியில் களமிறங்கவுள்ள அதிமுக சசிகலா அணியின் வேட்பாளர் டிடிவி தினகரன் தெரிவித்துள்ளார்.

தமிழக முதல்வராக இருந்த ஜெயலலிதா கடந்த ஆண்டு டிசம்பர் மாதம் காலமானார். அதனையடுத்து, அவரது தொகுதியான ஆர்கே நகர் தொகுதி காலியானது. தொடர்ந்து, ஆர்கே நகர் தொகுதிக்கு வருகிற ஏப்ரல் மாதம் 12-ம் தேதியன்று தேர்தல் நடைபெறும் என அறிவிக்கப்பட்டுள்ளது.

இந்த தொகுதியில் களமிறங்கும் அதிமுக சசிகலா அணியின் வேட்பாளராக, அதிமுக-வின் துணைப் பொதுச்செயலாளர் டிடிவி தினகரன் அறிவிக்கப்பட்டுள்ளார். அதேபோல், திமுக சார்பில் மருதுகணேஷ் வேட்பாளராக அறிவிக்கப்பட்டுள்ளார். இந்த தொகுதியில் தான் போட்டியிடவுள்ளதாக ஜெயலலிதாவின் சகோதரர் மகளும், எம்ஜிஆர்-அம்மா-தீபா பேரவையின் பொருளாளருமான தீபா ஏற்கனவே அறிவித்துள்ளார். அதிமுக பன்னீர்செல்வம் அணியின் சார்பில் இன்னும் ஓரிரு நாட்களில் வேட்பாளர் குறித்த அறிவிப்பு வெளியாகும் என தெரிவிக்கப்பட்டுள்ளது.

இந்நிலையில், ஆர்கேநகர் இடைத்தேர்தலுக்கு தனித் தேர்தல் அறிக்கை வெளியிடப்படும் என அத்தொகுதியில் களமிறங்கவுள்ள அதிமுக சசிகலா அணியின் வேட்பாளர் டிடிவி தினகரன் தெரிவித்துள்ளார்.
Seperate Election Manifesto for RK Nagar: TTV Dinakaran