ஸ்மார்ட் கார்டுக்கு மட்டுமே ரேஷன் பொருட்கள்: அமைச்சர் காமராஜ்

மார்ச் 1ஆம் தேதி முதல் ஸ்மார்ட் கார்டுகளுக்கு மட்டுமே ரேஷன் பொருட்கள் வழங்கப்படும் என்று உணவுத்துறை அமைச்சர் காமராஜ் தெரிவித்துள்ளார்.

இது குறித்து பேசியுள்ள அமைச்சர் காமராஜ், பழைய ரேஷன் கார்டுகளை ஸ்மார்ட் கார்டுகளாக மாற்றும் பணி 99 சதவீதம் நிறைவடைந்துவிட்டது என்று கூறியுள்ளார்.

சென்னையைத் தவிர பிற மாவட்டங்களில் ஸ்மார்ட் கார்டுகள் விநியோகிக்கப்பட்டு விட்டதாகவும் அவர் கூறினார். மேலும், சென்னையில் 1 லட்சத்திற்கும் அதிகமானோர் ஸ்மார்ட் கார்டு பெறுவதற்கு அவசியமான தகவல்களை அளிக்கவில்லை என்றும் கூறியுள்ளார்.

பிப்ரவரி 15ஆம் தேதிக்குள் அனைத்து குடும்ப அட்டைகளுக்கும் ஸ்மார்ட் கார்டுகள் வழங்கப்படும். மார்ச் 1ஆம் தேதி முதல் ஸ்மார்ட் கார்டுகள் மூலம் மட்டுமே ரேஷன் பொருட்கள் வழங்கப்படும் என்றும் அமைச்சர் தெரிவித்தார்.