விட்டா! டெங்குவையும் நான் தான் பரப்புறேனு சொல்லுவாங்க போல; டிடிவி கலகல!

சென்னை: இருக்கும் சூழலை பார்த்தால், டெங்குவையும் நான் தான் பரப்புவதாக கூறுவார்கள் என்று டிடிவி தினகரன் தெரிவித்துள்ளார்.

டிடிவி தினகரன் ஆதரவு எம்.எல்.ஏக்கள் 18 பேர் தகுதி நீக்கம் செய்யப்பட்டது தொடர்பான வழக்கு, சென்னை உயர்நீதிமன்றத்தில் நடைபெற்று வருகிறது.

இந்நிலையில் டிடிவி தினகரன் இன்று சென்னையில் செய்தியாளர்களுக்கு பேட்டியளித்தார். அப்போது பேசிய அவர், 18 எம்.எல்.ஏக்கள் தகுதி நீக்கம் செய்யப்பட்டது செல்லாது என்ற தீர்ப்பு வரும் என நம்பிக்கை கொண்டிருப்பதாக தெரிவித்தார்.

தன் மீது போடப்பட்ட பொய் வழக்குகளில், என் உத்தரவுடன் அச்சடிக்கப்பட்ட நோட்டீஸ் விவகாரமும் ஒன்று. இது போலீசார் தவறாக எழுதி வாங்கியதால் ஏற்பட்ட சர்ச்சை.

இதுதொடர்பாக நீதிமன்றத்தை நாட உள்ளதாக தெரிவித்தார். சசிகலா பரோலில் எப்படியும் வெளியே வருவார்கள் என்று கூறினார்.

பின்னர் குளோபல் மருத்துவமனையில் பேசிய அவர், டெங்கு காய்ச்சல் கூட என்னுடைய தூண்டுதலின் பேரில் பரப்பப்பட்டு உயிரிழப்பை ஏற்படுத்துவதாக முதலமைச்சர் பழனிச்சாமியும், சுகாதாரத்துறை அமைச்சர் விஜயபாஸ்கரும் தன் மீது வழக்குப்பதிவு செய்யக் கூடும் என்று டிடிவி தினகரன் தெரிவித்தார்.

Somebody can tell dengu also spreaded by me says TTV.