தேமுதிக தலைவர் விஜயகாந்துக்கு கொரோனா

தேமுதிக தலைவர் விஜயகாந்த், தமது உடல்நிலை காரணமாக கடந்த சில ஆண்டுகளாகவே தீவிர அரசியலில் ஈடுபட முடியாத நிலையில் உள்ளார்.

இதன் காரணமாக, விஜயகாந்தின் மனைவியும், தேமுதிக பொருளாளருமான பிரேமலதா விஜயகாந்த் மற்றும் அவரின் சகோதரர் சுதீஷ் கட்சியை நிர்வகித்து வருகின்றனர். விஜயகாந்தின் மகன் விஜயபிரபாகரனும் சமீபகாலமாக அரசியல் பேசி வருகிறார்.

இந்த நிலையில், விஜயகாந்துக்கு கொரோனா நோய்த்தொற்று உறுதி செய்யப்பட்டுள்ளதாக தகவல்கள் வெளியாகியுள்ளன. இதனையடுத்து அவர் சென்னை, மணப்பாக்கத்தில் உள்ள பிரபல தனியார் மருத்துவமனையில் அனுமதிக்கப்பட்டுள்ளார்.

நான் ஆரோக்கியமாக உள்ளேன்... வீடியோ வெளியிட்ட விஜிபி சிலை மனிதர்...

ஏற்கெனவே விஜயகாந்தின் உடல்நிலை பாதிக்கப்பட்டுள்ள நிலையில், தற்போது அவருக்கு கொரோனா என்ற தகவலால் தேமுதிக தொண்டர்கள் அதிர்ச்சி அடைந்துள்ளனர்.

இன்னும் சில மாதங்களில் தமிழக சட்டப்பேரவைத் தேர்தல் நடைபெறவுள்ள நிலையில், விஜயகாந்துக்கு கொரோனா கண்டறியப்பட்டுள்ளது என்ற தகவலால் தேமுதிக கட்சி நிர்வாகிகளும் கலக்கம் அடைந்துள்ளனர்.

திமுக அமைப்பு செயலாளர் ஆர்.எஸ்.பாரதிக்கு கொரோனா!

கிட்டத்தட்ட கடந்த ஒன்பது மாதங்களாக ஒட்டுமொத்த உலகையும் கொரோனா வாட்டிவதைத்து கொண்டிருக்கிறது. இந்த வைரஸ் தொற்றுக்கு இதுநாள்வரை தடுப்பூசி கண்டுபிடிக்கப்படாததால், உலக அளவில் நாள்தோறும் லட்சக்கணக்கானோர் இந்த தொற்றுக்கு ஆளாகி வருகின்றனர்.