முதல்வர் மு.க.ஸ்டாலின் மீது திருச்சி சிவா அதிருப்தி - திமுகவினர் ஷாக்!

முதலமைச்சர் மு.க.ஸ்டாலின் மீது, திமுக நாடாளுமன்ற உறுப்பினர் திருச்சி சிவா, அதிருப்தியில் இருப்பதாக தகவல் வெளியாகி உள்ளது.

Samayam Tamil

திமுக நாடாளுமன்ற மாநிலங்களவை உறுப்பினராக இருப்பவர், திருச்சி சிவா. இவர், திமுகவில் மூத்தத் தலைவர்களில் ஒருவர். மேலும், முதலமைச்சர் மு.க.ஸ்டாலினுக்கு மிகவும் நெருக்கமானவர். 1996, 2002, 2007, 2014 மற்றும் 2020 என, ஐந்து முறை, திமுக சார்பில், நாடாளுமன்ற மாநிலங்களவை உறுப்பினராக தேர்வு செய்யப்பட்டவர். திமுக ஆளுங்கட்சியாக இருந்த போதும், எதிர்க்கட்சியாக இருந்த போதும், நாடாளுமன்றத்தில், தமிழகத்தின் முக்கிய பிரச்னைகளை முன்னெடுத்துச் சென்றவர், திருச்சி சிவா.

இந்நிலையில், முதலமைச்சர் மு.க.ஸ்டாலின் மீதும், திமுக மீதும், அக்கட்சி நாடாளுமன்ற உறுப்பினர் திருச்சி சிவா அதிருப்தியில் இருப்பதாகக் கூறப்படுகிறது. அதாவது, சுமார் 10 ஆண்டுகள் கழித்து தமிழகத்தில் திமுக ஆட்சிக் கட்டிலில் அமர்ந்துள்ளது. இந்த சமயத்தில், கட்சியில் தமக்கு பெரிய பதவி கிடைக்கும் என, திருச்சி சிவா எதிர்பார்த்து காத்திருந்ததாகக் கூறப்படுகிறது. அது நடக்காததால், அவர் அதிருப்தியில் இருப்பதாகக் கூறப்படுகிறது.

மேலும், தனது அளவுக்கு அனுபவம் உள்ளவர்களுக்கும், புதிதாக கட்சியில் இணைந்தவர்களுக்கும் முதலமைச்சர் மு.க.ஸ்டாலின் கொடுக்கும் முக்கியத்துவம் தனக்கு கிடைக்கவில்லையே என்று, தமது ஆதரவாளர்களிடம், எம்பி திருச்சி சிவா புலம்பி வருவதாகவும் தகவல் வெளியாகி உள்ளது. இது, திமுக உடன்பிறப்புகளிடையே அதிர்ச்சி ஏற்படுத்தி உள்ளது.
பேருந்தில் பயணம் செய்வதெல்லாம் சாதனையா? ஓபிஎஸ் விமர்சனம்!
இதற்கிடையே, திருச்சி சிவாவின் மகன் சூர்யா, பாரதிய ஜனதா கட்சியில் இணைய உள்ளதாக தகவல் வெளியாகி உள்ளது. திமுக மூத்தத் தலைவர்களில் ஒருவரான திருச்சி சிவாவின் மகன், பிரதான எதிர்க்கட்சியான பாஜகவில் இணைய உள்ளதாக வெளியான தகவல், அண்ணா அறிவாலயத்தில் புயலைக் கிளப்பி உள்ளது.