Tamil Nadu Rains: இரவு நேர மழைப்பொழிவிற்கு தயாராகும் தென் தமிழகம் - தமிழ்நாடு வெதர்மேன் முழு ரிப்போர்ட்!

இதுகுறித்து தனது பேஸ்புக் பக்கத்தில் பதிவிட்டுள்ள அவர்,

சென்னை:

காலை / நண்பகல் நேரங்களில் வானில் இருண்ட மேகக் கூட்டங்கள் காணப்படும். பெரும்பாலும் மேற்கு / உட்புறப் பகுதியில் வானிலையை பொறுத்திருந்து பார்க்க வேண்டும். கடலோரப் பகுதிகளில் மழைப்பொழிவின் நேரம் மாறியுள்ளது. தற்போதைய காற்றின் செயல்பாட்டிற்கு ஏற்ப மழைப்பொழிய வேண்டும் என்றால், அது காலைப் பொழுதாக இருக்கும். நண்பகல் நேரத்திலும், நகரின் உட்பகுதியிலும் மழை பெய்யக்கூடும்.

பெங்களூரு:

நடப்பு பருவகாலத்தின் அதிகப்படியான மழைப்பொழிவைப் பெறக்கூடும். இனிவரும் நாட்களில் மழையின் அளவு அதிகரிக்கும். இன்றும் கூட மழைப்பொழிவிற்கு வாய்ப்புள்ளது.

கேரளா:

மலைப்பகுதிகளுக்கு அருகே இடியுடன் கூடிய மழைக்கு வாய்ப்புண்டு. ஆனால் வெள்ளப்பெருக்கிற்கு வாய்ப்பில்லை. அது எந்தவித வண்ணங்களில் எச்சரிக்கை விடப்பட்டாலும் சரி.

தமிழ்நாடு:

தென் மாவட்டங்களான கன்னியாகுமரி, நெல்லை, தேனி, விருதுநகரில் இடியுடன் கூடிய மழைக்கு வாய்ப்புள்ளது. தூத்துக்குடி, ராமநாதபுரத்தில் வரும் நாட்களில் நல்ல மழைக்கு வாய்ப்புண்டு.

உட்பகுதிகளான மதுரை, சிவகங்கை, திருச்சி, நாமக்கல், சேலம், கரூர், திண்டுக்கல்லில் மழைக்கு வாய்ப்புள்ளது.

மேற்கு மாவட்டங்களான கோவை, ஈரோடு, திருப்பூர், கிருஷ்ணகிரி, தருமபுரி, நீலகிரி மழைப்பொழிவிற்கு தயாராகிறது.

பெங்களூரு, ஊட்டி பெல்ட், தேனி, வால்பாறை பெல்ட், மதுரையில் இன்று நல்ல மழைக்கு வாய்ப்புண்டு என்று குறிப்பிட்டுள்ளார்.

South Tamil Nadu will see another active day or night of Rains says TN Weather Man.