மின்சார ரயில் பயணிகளுக்கான புதிய குறை தீர் தொலைபேசி எண் அறிவிப்பு..!

சென்னை மின்சார ரயில் பயணிகளுக்கான புதிய குறை தீர் தொலைபேசி எண்ணை தென்னக ரயில்வே அறிவித்துள்ளது.

சென்னையிலுள்ள மின்சார ரயில் நிலையங்களில் நீர் பற்றாக்குறை மற்றும் குழாய்கள் சரிவர செயல்படவில்லை என்பது தொடர்பான குறைகள் குறித்து புகார் அளிப்பதற்காக இந்த எண்ணை பயணிகள் பயன்படுத்தலாம்.இந்த எண்ணில் கூறப்படும் குறைகளை நிவர்த்தி செய்ய இதற்கென அதிகாரி ஒருவரும் பணியில் இருப்பார்.

044-25354405 என்ற எண்ணில் பயணிகள் அதிகாரியிடம் புகார்களை தெரிவிக்கலாம்.அல்லது 138 என்ற உதவி எண்ணையும் அழைத்து தண்ணீர் வசதி தொடர்பான தங்கள் குறைகளை தெரிவிக்கலாம்.
மேலும் புகார் அளிக்கும் பயணிகள் தாங்கள் குறிப்பிடும் ரயில் நிலையத்தின் பெயர் மற்றும் நேரம் ஆகியவற்றை தெளிவாக குறிப்பிடும்படியும் தென்னக ரயில்வே கேட்டுக்கொண்டுள்ளது.