ஆப்நகரம்

ஓகி புயலால் நிரம்பி வழியும் தென் தமிழகத்தின் அணைகள்.!

ஓகி புயலால், மேற்கு தொடர்ச்சி மலைப்பகுதிகளில் தொடர்ந்து பெய்து வரும் கனமழையின் காரணமாக தென்மாவட்ட அணைகளின் நீர் மட்டம் வேகமாக உயர்ந்து வருகிறது.

TNN 1 Dec 2017, 2:01 pm
ஓகி புயலால், மேற்கு தொடர்ச்சி மலைப்பகுதிகளில் தொடர்ந்து பெய்து வரும் கனமழையின் காரணமாக தென்மாவட்ட அணைகளின் நீர் மட்டம் வேகமாக உயர்ந்து வருகிறது.
Samayam Tamil southern tamilnadu dams water level
ஓகி புயலால் நிரம்பி வழியும் தென் தமிழகத்தின் அணைகள்.!


முல்லை பெரியாறு அணை.!
மேற்குத்தொடர்ச்சி மலைப்பகுதிகளில் பெய்துவரும் தொடர் கனமழையால் முல்லைப்பெரியாறு அணையின் நீர்மட்டம் ஒரே நாளில் 6 அடி உயர்ந்துள்ளது. 5 மாவட்டங்களின் நீர் ஆதாரமாக விளங்கும் 152 அடி முழுகொள்ளளவு கொண்ட முல்லைப் பெரியாறு அணையின் நீர் மட்டம் தற்போது 128 அடிியை நெருங்குகிறது. கனமழை காரணமாக அணைக்கு நீர்வரத்து ‌முதன்முறையாக 16 ஆயிரம் கன அடியாக அதிகரித்துள்ளது.

பாபநாசம் அணை.!
143 அடி முழு கொள்ளளவு கொண்ட பாபநாசம் அணையில் நீர் இருப்பு தற்போது 129.1 அடியாகவும், 118 அடி முழு கொள்ளளவு மணிமுத்தாறு அணையில் நீர் இருப்பு 104 அடியாகவும் இருக்கிறது. அணையின் நீர்ப்பிடிப்பு பகுதிகளில் பெய்து வரும் கனமழை காரணமாக இந்த அணைகளுக்கும் தற்போது நீர்வரத்து அதிகரித்துள்ளது.

பேச்சிப்பாறை அணை.!
பேச்சிப்பாறை அணையில் தற்போது 37.8 அடி அளவுக்கு நீர் இருப்பு உள்ளது. இந்த அணையின் மொத்த கொள்ளளவு 48 அடியாகும்.

பெருஞ்சாணி அணை.!
கன்னியாகுமரி மாவட்டத்தில் தற்போது பெய்துவரும் கனமழை காரணமாக பெருஞ்சாணி அணையின் மொத்த கொள்ளளவான 77 அடியில் தற்போது 73.25 அடி அளவிற்கு நீர் இருப்பு உள்ளது.

வைகை, சேத்துபாறை அணை.!
வைகை அணையின் மொத்த கொள்ளளவான 71 அடியில் தற்போது 54 அடி அளவிற்கு நீர் இருப்பு உள்ளது. சோத்துப்பாறை அணையில் நீர் இருப்பு 99 அடியாக உள்ளது. இந்த அணையின் மொத்த கொள்ளளவு 126 அடியாகும். மேற்கு தொடர்ச்சி மலைப்பகுதிகளில் தொடர்ந்து கனமழை பெய்து வருவதால் அணைகளின் நீர்மட்டம் தொடர்ந்து அதிகரிக்கும் வாய்ப்புள்ளது.

அடுத்த செய்தி