வாக்காளர் பட்டியலை செக் பண்ணிட்டீங்களா? சிறப்பு முகாமிற்கு உடனே கிளம்புங்க!

தமிழக வாக்காளர்களின் வரைவு வாக்காளர் பட்டியல் சில தினங்களுக்கு முன்பு தமிழக தலைமை தேர்தல் அதிகாரியால் வெளியிடப்பட்டது. இந்த பட்டியல் ஊராட்சி, நகராட்சி மற்றும் பேரூராட்சிகளில் பொதுமக்கள் பார்வைக்கு வைக்கப்பட்டுள்ளது. இல்லையெனில் https://elections.tn.gov.in/rollpdf/SSR2020_16112020.aspx என்ற இணையதளத்தின் வாயிலாக தங்கள் விவரங்களை சரிபார்த்துக் கொள்ளலாம். 18 வயது நிரம்பியவர்கள் தங்கள் பெயரை வாக்காளர் பட்டியலில் சேர்த்துக் கொள்வது அவசியம். இந்த பட்டியலில் வாக்காளர்கள் பெயர் சேர்த்தல், நீக்கம், திருத்தம் இருந்தால் உரிய படிவங்களைப் பெற்று பூர்த்தி செய்து அளிக்க வேண்டும்.

இதனை வரும் டிசம்பர் 15ஆம் தேதிக்குள் வாக்குச்சாவடி மைய அலுவலர்களிடம் அல்லது கோட்டாட்சியர், வட்டாட்சியர் அலுவலங்களில் வழங்கலாம். இதற்கான சிறப்பு முகாம் இன்றும் (நவம்பர் 21), நாளையும் (நவம்பர் 22) நடைபெறுகிறது. மேலும் வரும் டிசம்பர் மாதம் 12, 13 ஆகிய தேதிகளிலும் நடத்தப்படுகிறது. இதில் வாக்குச்சாவடி மைய அலுவலர்கள் உடன் அங்கீகரிக்கப்பட்ட அரசியல் கட்சியினரும் ஈடுபடலாம்.

ட்விட்டரில் களைகட்டும் ட்ரெண்ட் போர் - மல்லுக்கட்டும் பாஜகவினர்!

இந்த வாய்ப்பை வாக்காளர்கள் தவறாமல் பயன்படுத்திக் கொள்ள வேண்டும் என்று வலியுறுத்தப்பட்டுள்ளது. இதற்கு முகவரிச் சான்று, வயது சான்று, அடையாள சான்று மற்றும் பாஸ்போர்ட் சைஸ் போட்டோ ஒன்று தேவைப்படும். படிவத்துடன் இணைக்க வேண்டிய முகவரிச் சான்றுக்கு,

* ஆதார் கார்டு

* பாஸ்போர்ட்

* கேஸ் ரசீது

* தண்ணீர் வரி ரசீது

* ரேஷன் கார்டு

* வங்கிக் கணக்கு புத்தகம்

வயது சான்றுக்கு...

* ஆதார் கார்டு

* பிறப்பு சான்றிதழ்

* பேன் கார்டு

* ஓட்டுநர் உரிமம்

* பாஸ்போர்ட்

அடையாள சான்றுக்கு...

* ஆதார் கார்டு

* ஓட்டுநர் உரிமம்

* ரேஷன் கார்டு

* பாஸ்போர்ட்

* வங்கிக் கணக்கு புத்தகம்

* 10ஆம் வகுப்பு சான்றிதழ்

* மாணவர் அடையாள அட்டை

* பேன் கார்டு

ஆகிய ஆவணங்களில் ஏதேனும் ஒன்றை அளிக்கலாம். அடுத்த ஆண்டு ஜனவரியில் இறுதி வாக்காளர் பட்டியல் வெளியிடப்படும். இதில் இடம்பெற்றுள்ளவர்கள் மட்டுமே வரும் 2021ஆம் ஆண்டு தமிழக சட்டமன்ற தேர்தலில் வாக்களிக்க முடியும்.