மதுரை - மண்டபம் இடையே பயணிகள் சிறப்பு ரயில்கள் இயக்கம்!

மதுரை - மண்டபம் இடையே டிசம்பர் 26 முதல் ஜனவரி 2ஆம் தேதி வரை பயணிகள் சிறப்பு ரயில்கள் இயக்கப்பட உள்ளதாக தெற்கு ரயில்வே அறிவித்துள்ளது.

இதுகுறித்து தெற்கு ரயில்வே வெளியிட்டுள்ள செய்திக்குறிப்பில் கூறியிருப்பதாவது:

மதுரை ரயில் நிலையத்திலிருந்து டிச. 26, 29, 31 மற்றும் ஜன. 2ஆம் தேதி காலை 5 மணிக்கு புறப்படும் பயணிகள் ரயில், காலை 8 மணிக்கு மண்டபத்தைச் சென்றடைகிறது. மதுரை ரயில் நிலையத்திலிருந்து டிச. 27ஆம் தேதி நண்பகல் 12 மணிக்கு புறப்படும் பயணிகள் ரயில், அன்று மாலை 3 மணிக்கு மண்டபத்தைச் சென்றடையும்.

மதுரை ரயில் நிலையத்திலிருந்து டிச. 31ஆம் தேதி மாலை 3.30 மணிக்கு புறப்படும் பயணிகள் ரயில், அன்று மாலை 6.30 மணிக்கு மண்டபம் சென்றடைகிறது. இதேபோல, மண்டபம்ரயில் நிலையத்திலிருந்து டிச. 31ஆம் தேதி காலை 9.30 மணிக்கு புறப்படும் பயணிகள் ரயில், அன்றுபிற்பகல் 12.30 மணிக்கு மதுரையை சென்றடைகிறது. மண்டபம்ரயில் நிலையத்திலிருந்து டிச. 27, 29ஆம் தேதி மாலை 4.30 மணிக்கு புறப்படும் பயணிகள் ரயில், அன்று இரவு 7 மணிக்கு மதுரையைச் சென்றடைகிறது.

மண்டபம்ரயில் நிலையத்திலிருந்து டிச. 27, 29, 31ஆம் தேதி இரவு 9 மணிக்கு புறப்படும் பயணிகள் ரயில், அன்று இரவு 11.30 மணிக்கு மதுரையை சென்றடையும் எனத் தெரிவிக்கப்பட்டுள்ளது.