சென்னையிலிருந்து பாட்னா, சூரத்திற்கு ஸ்பைஸ் ஜெட் விமான சேவை அறிமுகம்!

ஸ்பைஸ் ஜெட் நிறுவனம் சென்னையிலிருந்து பாட்னா மற்றும் சூரத்திற்கு விமான சேவையை அறிமுகப்படுத்தியுள்ளது.

ஸ்பைஸ் ஜெட் விமான நிறுவனம் 12 புதிய விமானங்களை அறிமுகம் செய்துள்ளது. இதன் மூலம், சென்னையிலிருந்து பாட்னா மற்றும் சூரத்திற்கு விமானங்களை இயக்க அந்த நிறுவனம் திட்டமிட்டுள்ளது. அதன்படி, வரும் 31ம் தேதி முதல் சென்னையிலிருந்து பாட்னா மற்றும் சூரத்திற்கு ஸ்பைஸ் ஜெட் நிறுவனம் விமான சேவையை தொடங்கவுள்ளது என்பது குறிப்பிடத்தக்கது.

சென்னையில் மாலை 6.15 மணிக்கு புறப்படும் ஸ்பைஸ் ஜெட் விமானம், இரவு 8.50 மணிக்கு பாட்னாவிற்கு சென்றடையும். அதே போன்று, இரவு 9.20 மணிக்கு பாட்னாவிலிருந்து புறப்படும் விமானம் இரவு 11.45 மணிக்கு சென்னையை வந்தடையும் என்பது குறிப்பிடத்தக்கது.

அதே போன்று சென்னையில் பிற்பகல் 12.50 மணிக்கு புறப்படும் ஸ்பைஸ் ஜெட் விமானம், பிற்பகல் 3 மணிக்கு சூரத்திற்கு சென்றடையும். அதே போன்று, பிற்பகல் 3.30 மணிக்கு சூரத்திலிருந்து புறப்படும் விமானம் மாலை 5.20 மணிக்கு சென்னையை வந்தடையும் என்பது குறிப்பிடத்தக்கது.

சென்னையிலிருந்து பாட்னாவிற்கு பயணம் செய்ய ஸ்பைட்ஸ் ஜெட் நிறுவனம் ரூ.3,911 கட்டணம் என்றும், பாட்னாவிலிருந்து சென்னைக்கு ரூ.3,973 என்றும், சென்னை – சூரத்திற்கு ரூ.2,599 என்றும், சூரத் – சென்னைக்கு ரூ.2,599 என்றும் கட்டணம் நிர்ணயம் செய்துள்ளது என்பது குறிப்பிடத்தக்கது.