தேசிய விளையாட்டுப் போட்டிகள் - மாணவர்களின் வாய்ப்பை பறித்தது யார்? உதயநிதி அளித்த விளக்கம்!

நாடு முழுவதும் அரசு, தனியார் பள்ளிகளில் படிக்கும் மாணவர்களுக்கு தேசிய அளவில் கிரிக்கெட், டென்னிஸ், நீச்சல், கேரம், சதுரங்கம், ஹாக்கி, கபடி உள்ளிட்ட 32 விளையாட்டுப் போட்டிகளை School Games Federation of India அமைப்பு ஆண்டுதோறும் நடத்தப்படுகிறது.

இதில் கலந்து கொள்ளும் மாணவர்களுக்கு வழங்கப்படும் Form-4 சான்றிதழ்கள் விளையாட்டு வீரர்களுக்கு கல்வி, வேலைவாய்ப்பில் முன்னுரிமை அளிப்பதுடன், தேசிய அளவிலான விளையாட்டு போட்டிகளில் பங்கு பெறவும் வாய்ப்பாக அமையும்.

இந்நிலையில் கடந்த ஆண்டு School Games Federation of India அமைப்பு 301 மாணவர்களுக்கு வாய்ப்பளித்து அனுப்பிய அறிக்கையை திமுக அரசு முறையாக கையாளாததால் தமிழக மாணவர்கள் கலந்து கொள்ள முடியாத நிலை ஏற்பட்டுள்ளதாக குற்றச்சாட்டுகள் எழுந்துள்ளன.

மாணவர்களுக்கு ஷாக் நியூஸ்: பள்ளிக் கல்வித்துறை எடுத்த முடிவு - அமைச்சர் அன்பில் மகேஷ் அறிவிப்பு!

இந்தப் போட்டிகளில் பங்கேற்கும் மற்றும் வெற்றி பெறும் மாணவர்களுக்கு உயர்கல்வி சேர்க்கையில் முன்னுரிமை உட்பட பல்வேறு சலுகை வழங்கப்படுகிறது. எனவே மாணவர்கள் போட்டிகளுக்கு தயாராகி வந்த நிலையில் வாய்ப்பு கை நழுவிச் சென்றதால் ஏமாற்றமடைந்தனர்.

ஸ்டாலின் கொடுத்த ஆஃபர்: நோ சென்ன இறையன்பு - கோட்டையில் நிகழும் பெரிய மாற்றம்!

இந்த விவகாரம் தொடர்பாக விளையாடு மேம்பாடு மற்றும் இளைஞர் நலன் துறை அமைச்சர் உதயநிதி ஸ்டாலின் விளக்கம் அளித்துள்ளார். சென்னையில் செய்தியாளர்களைச் சந்தித்த அவர், “இது தொடர்பாக தீவிர விசாரணை நடத்தப்பட்டு நடவடிக்கை எடுக்கப்பட்டுள்ளது. முறையாக தகவல் பரிமாற்றம் இல்லாத காரணத்தால் இது நடந்துள்ளது. இனி வரும் காலங்களில் இது போன்று நடக்காமல் இருக்க நடவடிக்கை எடுக்கப்படும்” என்று கூறினார்.