ஸ்டாலினை சந்தித்த இலங்கை நாடாளுமன்ற உறுப்பினர்

திமுக தலைவர் மு.க.ஸ்டாலினை இலங்கை நாடாளுமன்ற உறுப்பினர் ரவூப் ஹக்கீம் சந்தித்தார்.

சென்னை, ஆழ்வார்பேட்டையில் உள்ள இல்லத்தில் திமுக தலைவர் ஸ்டாலினை இலங்கை முஸ்லீம் காங்கிரஸ் தலைவரும் நாடாளுமன்ற உறுப்பினருமான ரவூப் ஹக்கீம் சந்தித்தார்.

பிறகு செய்தியாளர்களை சந்தித்த ரவூப் ஹக்கீம், ஸ்டாலினை மரியாதை நிமித்தமாக சந்தித்து, மக்களவை தேர்தல் வெற்றிக்கு வாழ்த்து தெரிவித்ததாக கூறினார். மேலும், இந்த ஆண்டு இறுதியில் இலங்கையில் நடக்கவிருக்கும் அதிபர் தேர்தலில் இலங்கை தமிழர்கள் மற்றும் இஸ்லாமியர்கள் தான் அதிபரை தேர்ந்தெடுப்பதில் மிகப் பெரிய பங்கு வகிப்பர் என்றும் அவர் கூறினார்.

இலங்கை தமிழர்கள் மற்றும் இஸ்லாமியர்களுக்கு திமுக ஆதரவு தெரிவித்து வருகின்றது. மேலும் தமிழர்கள் உரிமைக்காக குரல் கொடுக்கிறது என்பது குறிப்பிடத்தக்கது.

இலங்கை அதிபர் தேர்தலை உலகமே ஆர்வமாக எதிர்பார்த்துக்கொண்டு இருக்கிறது.