தீவிர சிகிச்சையில் அன்பழகன்... அப்போலோவுக்கு விரைந்த ஸ்டாலின்..!

சென்னை அப்போலோ சிகிச்சை பெற்றுவரும் திமுக பொதுச்செயலாளர் அன்பழகனை ஸ்டாலின் சந்தித்து உடல்நலம் குறித்து விசாரித்தார். அந்த சந்திப்பின் போது துரைமுருகன், பொன்முடி, ஏ.வ.வேலு உள்ளிட்ட சட்ட மன்ற உறுப்பினர்கள் உடனிருந்தனர்.

சிகிச்சையில் பலனில்லை:

திமுக பொதுச்செயலாளார் அன்பழகனை சந்தித்த பின்னர் ஸ்டாலின் அளித்த பேட்டியில், '' அன்பழகனுக்கு தீவிர சிகிச்சை அளிக்கப்பட்டு வருகிறதாகவும், தீவிர சிகிச்சை பலனளிக்காமல் அன்பழகனின் உடல் நிலை இருப்பதாகவும், அவர் தொடர்ந்து மருத்துவ கண்காணிப்பில் உள்ளதாகவும் தெரிவித்தார்.

திமுக பொது செயலாளரான பேராசிரியர் அன்பழகனுக்கு தற்போது 98 வயதாகிறது. வயது மூப்பு காரணமாக ஏற்பட்ட உடல்நல பாதிப்பால் வீட்டிலேயே சிகிச்சை பெற்று வந்தார். இந்த நிலையில் கடந்த மாதம் 24 ம் தேதி இரவு 8.15 மணியளவில் அவருக்கு திடீரென மூச்சுத்திணறல் ஏற்பட்டுள்ளது. இதையடுத்து சென்னை கிரீம்ஸ் சாலையில் உள்ள அப்போலோ மருத்துவமனையில் சிகிச்சைக்காக அவர் அனுமதிக்கப்பட்டுள்ளார்.


அன்பழகன் திராவிட முன்னேற்றக் கழகத்தின் ஆரம்ப காலம் முதல் அக்கட்சியில் முக்கிய பங்காற்றி வருகிறார். அறிஞர் அண்ணா முதல் பல்வேறு தலைவர்கள் உடன் நெருக்கமான இருந்துள்ளார். மறைந்த முன்னாள் முதலமைச்சரும், திமுக தலைவருமான கருணாநிதிக்கு நெருங்கிய நண்பர் என்பதும் குறிப்பிடத்தக்கது.