மன்னார்குடியில் தினகரன் உருவபொம்மை எரிப்பு

மன்னார்குடியில் முதல்வர் பழனிசாமியின் ஆதரவாளர்கள் தினகரன் உருவ பொம்மையை எரித்து ஆர்ப்பாட்டத்தில் ஈடுபட்டனர்.

முதல்வர்பழனிசாமி மற்றும் பன்னீர்செல்வம் ஆகியோர் சசிகலா குடும்பத்தினருக்கு எதிராக இணைந்ததால், அதிருப்தியடைந்த தினகரன் தரப்பு எம்.எல்.ஏக்கள் 19 பேர் கொக்கரித்து வருகின்றனர்.

நேற்று கவர்னருக்கு அவர்கள் எழுதிய கடிதத்தில், முதல்வர் மீது இருந்த நம்பிக்கை இழந்துவிட்டதால் அவருக்கு அளித்த ஆதரவை வாபஸ் பெறுவதாக தெரிவித்தனர்.

தினகரன் தரப்பு எம்.எல்.ஏக்கள் மனம் மாறி எடப்பாடி பக்கம் சென்று விடக்கூடாது என்பதற்காக பாண்டிச்சேரியிலுள்ள விண்ட் ஃப்ளவர் ரிசார்ட்டில் தங்க வைக்கப்பட்டுள்ளனர்.

இது ஓ.பி.எஸ் மற்றும் எடப்பாடி ஆதரவாளர்களுக்கு தெரிய, பொங்கி எழுந்து ரிசார்ட்டை நோக்கி சென்றனர். அங்கு தினகரனின் உருவ பொம்மையை எரித்து, அடைத்து வைக்கப்பட்டுள்ள எம்.எல்.ஏக்களை வெளியேற்ற வேண்டும் என்று ஆர்ப்பாட்டத்தில் ஈடுபட்டனர்.

மேலும், தினகரனின் சொந்த ஊரான மன்னார்குடிக்கு சென்று அங்குள்ள அதிமுக அலுவலகத்திலிருந்த சசிகலாவின் பேனரை கிழித்து துவம்சம் செய்தனர்.

இதேப்போல வேலூரிலும் ஓ.பி.எஸ் மற்றும் இ.பி.எஸ் ஆதரவாளர்கள் ஆர்ப்பாட்டத்தில் ஈடுபட்டனர்