அதிமுக பொதுக்குழு வழக்கு தீர்ப்பு: பொதுச் செயலாளர் எடப்பாடி - ஓபிஎஸ்ஸுக்கு கல்தா!

அதிமுக பொதிக்குழு வழக்கில் இன்று உச்ச நீதிமன்ற நீதிபதி தினேஷ் மகேஸ்வரி தீர்ப்பளித்தார்.

ஜூலை 11ஆம் தேதி அதிமுக பொதுக்குழு சென்னை வானகரத்தில் கூட்டப்பட்டது. அதில் ஓ.பன்னீர் செல்வம் மற்றும் அவரது ஆதரவாளர்கள் கட்சியிலிருந்து நீக்கப்பட்டனர். இந்த பொதுக்குழு முடிவை எதிர்த்து ஓ.பன்னீர் செல்வம் சென்னை உயர் நீதிமன்றத்தில் வழக்கு தொடர்ந்தார்.

அதில் உயர் நீதிமன்ற தனி நீதிபதி உத்தரவு ஓபிஎஸ்ஸுக்கு ஆதரவாகவும், இரு நீதிபதிகள் அமர்வு எடப்பாடி பழனிசாமிக்கு ஆதரவாகவும் தீர்ப்பளித்தது.

அதைத் தொடர்ந்து உச்ச நீதிமன்றத்தில் ஓபிஎஸ் மேல்முறையீடு செய்தார். பல்வேறு கட்டங்களாக அதன் விசாரணை நடைபெற்ற நிலையில் இன்று உச்ச நீதிமன்ற நீதிபதி தினேஷ் மகேஸ்வரி தீர்ப்பு வழங்கினார்.

அதிமுக பொதுக்குழு வழக்கு: எடப்பாடி செம ஹேப்பி - என்னென்ன சாதகம்?

அதன்படி ஜூலை 11ஆம் தேதி நடைபெற்ற அதிமுக பொதுக்குழு செல்லும் என தீர்ப்பு வழங்கப்பட்டுள்ளது. இதனால் இடைக்கால பொதுச்செயலாளராக நியமிக்கப்பட்டது செல்லும் என்றும் ஓ.பன்னீர் செல்வம் நீக்கப்பட்டதும் செல்லும் என்றும் தெரிவிக்கபப்ட்டுள்ளது.