பாஜக மூத்த தலைவர்களில் ஒருவரான எஸ்வி சேகர் , தமிழக பாஜக தலைவரான அண்ணாமலை மீது தொடர்ந்து குற்றச்சாட்டுக்களை முன் வைத்து வருகிறார். சமூக வலைதளங்களில் மறைமுகமாகவும் அண்ணாமலையை விமர்சித்து வருகிறார் எஸ்வி சேகர். சமீபத்தில் தனக்கு கொலை மிரட்டல்கள் வருவதாக சென்னை பட்டினப்பாக்கம் காவல் நிலையத்தில் புகார் அளித்தார் எஸ்வி சேகர்.
இந்நிலையில் பிராமணர்களின் பலத்தைக் காட்ட தனிக்கட்சி தொடங்க போவதாக அறிவித்த எஸ்வி சேகர், வரும் பாராளுமன்ற தேர்தலில் பிராமண கட்சி வேட்பாளர்களை நிறுத்த உள்ளதாகவும் கூறினார். இந்நிலையில் ட்விட்டர் ஸ்பேஸ் விவாதத்தில் பேசிய எஸ்.வி.சேகர் தனது தந்தை பற்றி தவறாக பேசுவதாக குற்றம்சாட்டினார். தனது குடும்பத்தினரை வம்புக்கு இழுத்தால் யாராக இருந்தாலும் தக்க பதிலடி கொடுப்பேன் என்றும் எஸ்வி சேகர் எச்சரித்தார்.
திருப்பதி பக்தர்களுக்கு சூப்பர் பேக்கேஜ்... ஐஆர்சிடிசியின் அதிரடி ஸ்பெஷல் ஆஃபர்!
அமர் பிரசாத் ரெட்டி யார் என்றே தனக்கு தெரியாது என்ற எஸ்வி சேகர், அவர் அண்ணாமலைக்கு ரைட் லெப்ட் என என்னவாக வேண்டுமானாலும் இருக்கட்டும், ஆனால் தான் மோடியை மட்டும்தான் கும்பிடுவேன் என்றும் அவருக்கு கீழ் உள்ள பியூனை எல்லாம் கும்பிட மாட்டேன் என்றும் தடாலடியாக கூறினார்.
இரண்டாவது முறையாக உயர்த்தப்பட்ட மின் கட்டணம்.. தமிழக அரசுக்கு அன்புமணி ராமதாஸ் கடும் கண்டனம்!
தொடர்ந்து பேசிய எஸ்வி சேகர் பிராமணர்கள் என்றால் பயந்து போவார்கள் என்று நினைத்தால் அது தவறு என்றும் கூறினார். வார் ரூமை வைத்துக் கொண்டு மூத்த தலைவர்களை எல்லாம் அவமதிக்கிறார்கள் என்று குற்றம்சாட்டிய எஸ்வி சேகர் பாஜக தலைமைக்கு நெருக்கமாக இருந்த கே.டி.ராகவனை ஹனி ட்ராப்பில் சிக்க வைக்க 7 லட்சம் ரூபாய் செலவு செய்ததாக தனக்கு தகவல் கிடைத்துள்ளது என்றும் பகீர் கிளப்பியுள்ளார்.
பால் வளத்துறை அமைச்சர் பொய் சொல்கிறார்... அண்ணாமலை கடும் கண்டனம்!
அண்ணாமலையை பாஜகவில் இருந்து நீக்கினால் அவர் சம்பாதித்துள்ள பணத்திற்கு தனிக்கட்சியே தொடங்கினாலும் ஆச்சரியப்படுவதற்கு இல்லை என கூறியுள்ளார் எஸ்வி சேகர். சமீபத்தில்தான் கேடி ராகவன் வீட்டு கிரகப் பிரவேச நிகழ்ச்சியில் அண்ணாமலை பங்கேற்றார் என்பது குறிப்பிடத்தக்கது.