ஆப்நகரம்

6வது முறையாக அசத்தல்; தமிழகம் இப்படியொரு மகத்தான சாதனை!

நாட்டிலேயே தொடர்ந்து 6வது முறையாக தமிழகம் இப்படியொரு சிறப்பு பெற்றிருப்பதற்கு முதல்வர் பழனிசாமி மகிழ்ச்சி தெரிவித்துள்ளார்.

Samayam Tamil 27 Nov 2020, 3:09 pm
இந்தியாவில் முதல்முறை தமிழகத்தில் தான் உடல் உறுப்பு மாற்று அறுவை சிகிச்சை ஆணையம் அமைக்கப்பட்டது. இதனை உருவாக்கிய பெருமைக்குரியவர் முன்னாள் முதல்வர் ஜெயலலிதா. இதன்மூலம் ஆபத்தான சூழலில் சிகிச்சை பெற்று வரும் பலரும் உடல் உறுப்புகளைப் பெற்று தேறி வந்தனர். இது பிற மாநிலங்களுக்கு முன்னுதாரணமாக இருந்தது என்று சொன்னால் மிகையல்ல. ஆண்டுதோறும் உடல் உறுப்பு தானம் அளிப்பவர்களின் எண்ணிக்கை தமிழகத்தில் தொடர்ந்து அதிகரித்து வருகிறது.
Samayam Tamil TN CM Palaniswami.


அந்த வகையில் நடப்பாண்டில் ஆகஸ்ட் மாதம் வரையிலான காலகட்டத்தில் 1,382 பேரிடம் இருந்து 8,163 உறுப்புகள் தானமாக பெறப்பட்டுள்ளன. இதுதொடர்பான சிகிச்சையில் முதல்வர் விரிவான மருத்துவக் காப்பீட்டு திட்டத்தின் மூலம் ரூ.25 லட்சம் வரை பெற்றுக் கொள்ளலாம். இதனைப் பயன்படுத்தி ஆயிரக்கணக்கான மக்கள் அரசு மற்றும் தனியார் மருத்துவமனைகளில் சிகிச்சை பெற்றுக் கொள்ளலாம்.

உடல் உறுப்பு தானம் மற்றும் உறுப்பு மாற்று அறுவை சிகிச்சையில் தொடர்ந்து 5 முறை தமிழகம் முதலிடம் வகித்திருந்தது. இந்நிலையில் 6வது முறையாக அந்த சிறப்பை தமிழகம் இன்று பெறுகிறது. மத்திய சுகாதாரத்துறை அமைச்சர் ஹர்ஷ வர்தன் தமிழக சுகாதாரத்துறைக்கு விருது வழங்குகிறார்.

மின்வாரியம் தனியார்மயமா? - அமைச்சர் சொல்வது இதுதான்!

இதனை தமிழக சுகாதாரத்துறை அமைச்சர் விஜய பாஸ்கர் வீடியோ கான்பரன்சிங் மூலம் பெற்றுக் கொள்கிறார். இதுகுறித்து கருத்து தெரிவித்த தமிழக முதல்வர் எடப்பாடி பழனிசாமி, உடல் உறுப்பு தானம் மற்றும் உறுப்பு மாற்று அறுவை சிகிச்சையில் தொடர்ந்து 6வது முறையாக தமிழகம் முதலிடம் பெற்று மத்திய அரசின் விருது பெறுவது மகிழ்ச்சி அளிக்கிறது.

மாண்புமிகு ஜெயலலிதா அரசின் சரித்திர சாதனைக்கு உறுதுணையாக இருந்த அரசு மருத்துவர்களுக்கும், சுகாதாரத் துறைக்கும் எனது பாராட்டுக்கள் என்று தெரிவித்துள்ளார்.

அடுத்த செய்தி