அமைச்சரவையைக் கூட்டும் ஸ்டாலின்: வெளியாகும் அறிவிப்புகள் என்னென்ன?

மு.க.ஸ்டாலின் முதல்வராக பதவியேற்ற மே 7ஆம் தேதி மாலையே முதல் அமைச்சரவைக் கூட்டம் நடைபெற்றது. அந்த சமயம் கொரோனா பரவல் ஏறுமுகத்தில் இருந்த நிலையில் அதைக் கட்டுப்படுத்த மேற்கொள்ள வேண்டிய நடவடிக்கைகள் குறித்து ஆலோசிக்கப்பட்டது.

பட்ஜெட் கூட்டத்தொடருக்கு முன்னதாக, அமைச்சரவைக் கூட்டம் கூடி விவாதிப்பது வழக்கம். விரைவில் பட்ஜெட் கூட்டத்தொடர் நடைபெறவுள்ள நிலையில் அமைச்சரவைக் கூட்டம் நாளை நடைபெறவுள்ளது.
தமிழகத்தில் அதிகரிக்கும் கொரோனா: அமலுக்கு வந்த புதிய கட்டுப்பாடுகள்!தமிழகத்தில் மக்கள்நலத் திட்டங்களுக்காக துறை வாரியாக அறிவிக்கப்பட உள்ள புதிய திட்டங்கள், அதற்கு ஆகும் செலவுகள் ஆகியவை குறித்து விவாதிக்கப்படும். அதன்படி, தமிழக அமைச்சரவைக் கூட்டத்தை முதலமைச்சர் மு.க.ஸ்டாலின் கூட்டியுள்ளார். நாளை (ஆகஸ்ட் 4) காலை 10 மணியளவில் தலைமை செயலகத்தில் அமைச்சரவைக் கூட்டம் நடைபெறவுள்ளது.

வேளாண் நிதி நிலை அறிக்கை ஆகியவை தொடர்பாக ஆலோசிக்கப்படலாம் என்றும், தமிழக நிதி நிலை குறித்த வெள்ளை அறிக்கைக்குக் கூட்டத்தில் ஒப்புதல் பெறப்படும் என்றும் தகவல்கள் தெரிவிக்கின்றன.
கிறிஸ்தவர்களின் ஜெபத்தால்தான் ஆட்சியை பிடித்தோம்: திமுக அமைச்சர் பேச்சு!
பட்ஜெட் கூட்டத் தொடர் ஆகஸ்ட் 13ஆம் தேதி தொடங்கும் என கூறப்படும் நிலையில் தேர்தல் வாக்குறுதிகளை நிறைவேற்றும் விதமாக பல முக்கிய அறிவிப்புகளை முதல்வர் மு.க.ஸ்டாலின் அறிவிப்பார் என்கிறார்கள். கூட்டுறவு நகைக் கடன் தள்ளுபடி, கல்விக் கடன் தள்ளுபடி, குடும்பத் தலைவிகளுக்கு மாதம் 1000 ரூபாய் ஆகிய திட்டங்களுக்கான அறிவிப்புகள் வெளியாகும் என கூறப்படுகிறது.