தமிழக பள்ளி மாணவர்களுக்கு குஷியான தகவல்...! ஐகோர்ட் போட்ட உத்தரவு..!

கட்டாய இலவச கல்விக்கான குழந்தைகளின் உரிமைச் சட்டத்தின்படி, ஒரு பள்ளிக்கு விளையாட்டு மைதானம் மற்றும் தகுந்த கட்டமைப்பு வசதிகளுடன் கூடிய உடற்கல்வி வழங்க வேண்டும் என்பதை வகுத்துள்ளது. ஆனால், தமிழகத்தில் உள்ள பல மாநகராட்சிப் பள்ளி மாணவர்களுக்கு விளையாட்டு என்பது ஆடம்பரமாகவே உள்ளது.

கடந்த 2019 ஆண்டு தரவுகளின்படி, சென்னையில் உள்ள ஆரம்ப , நடுநிலைப் பள்ளி மற்றும் உயர்நிலைப் பள்ளிகளில் பாதிக்கும் மேற்பட்ட பள்ளிகளில் விளையாட்டு மைதானங்கள் இல்லை என தகவல் வெளியானது.

சென்னையில் 118 தொடக்கப் பள்ளிகளில், 75 பள்ளிகளுக்கு விளையாட்டு மைதானங்கள் இல்லை என்றும் 91 நடுநிலைப் பள்ளிகளில் 54, 38 உயர்நிலைப் பள்ளிகளில் 16 மற்றும் 34 மேல்நிலைப் பள்ளிகளில் 5 பள்ளிகளுக்கு விளையாட்டு மைதானங்கள் இல்லை எனவும் குறிப்பிடப்பட்டிருந்தது. இந்த நிலையில், தமிழகத்தில் உள்ள அரசு மற்றும் தனியார் பள்ளிகளில் தகுந்த கட்டமைப்பு வசதிகளுடன் உடற்கல்வி வழங்க உத்தரவிட கோரிய வழக்கு இன்று சென்னை உயர் நீதிமன்றத்தில் விசாரணைக்கு வந்தது.

நீதிபதிகள் நியமனத்தில் சமூக நீதி: ராமதாஸ் வைத்த வேண்டுகோள்!

விசாரணையின்போது, தமிழகம் முழுவதும் எத்தனை பள்ளிகளில் விளையாட்டு மைதானங்களும், உள்கட்டமைப்பு வசதிகளும் உள்ளன என்பது குறித்து அறிக்கை தாக்கல் செய்ய தமிழக அரசுக்கு நீதிமன்றம் உத்தரவு பிறப்பித்தது.