தமிழக அரசின் 2017ம் ஆண்டு நாட்காட்டி வெளியீடு

2017ம் ஆண்டுக்கான நாட்காட்டியை தமிழக அரசு வெளியிட்டுள்ளது.

இதில், அரசு விடுமுறை 22 நாட்களுக்கு அறிவிக்கப்பட்டுள்ளது. எனினும், இவற்றில் 10 விடுமுறை நாட்கள், சனி, ஞாயிறு மற்றும் திங்கள் என தொடர்ச்சியான விடுமுறையை கொண்டதாக உள்ளன. இதனால், அரசு ஊழியர்களுக்குக் கூடுதல் விடுமுறை கிடைக்க வாய்ப்புள்ளது.

இதன்படி, தமிழகத்தின் முதன்மை பண்டிகையான பொங்கல், சனி, ஞாயிறு மற்றும் திங்கள்கிழமைகளில் கொண்டாடப்படுவதாக, தமிழக அரசு கூறியுள்ளது. இதற்கடுத்தப்படியாக, மே தினம் (மே 1), ரம்ஜான் பண்டிகை (ஜூன் 26) ஆகியவை திங்கள்கிழமைகளில் வருவதால், தமிழக அரசு ஊழியர்களுக்கு, தொடர்ச்சியாக 3 நாட்கள் விடுமுறை கிடைக்கும்.

இதேபோன்று, கிருஷ்ண ஜெயந்தி, காந்தி ஜெயந்தி, கிறிஸ்துமஸ் பண்டிகைகளும் திங்கள்கிழமைகளில் வருகின்றன.

மேலும், தமிழ்ப் புத்தாண்டு, சுதந்திர தினம், விநாயகர் சதுர்த்தி, ஆயுத பூஜை, மிலாடி நபி போன்ற பண்டிகைகள் வார இறுதி நாளான வெள்ளிக்கிழமை வருகிறது. இதன்படி, வெள்ளி, சனி, ஞாயிறு ஆகிய தொடர் விடுமுறை இந்த பண்டிகைகளால், அரசு ஊழியர்களுக்குக் கிடைக்க உள்ளது.

ஆனால், குடியரசு தினம், யுகாதி எனப்படும் தெலுங்கு வருடப் பிறப்பு, தீபாவளி ஆகியவை செவ்வாய், புதன், வியாழன் போன்ற வார நாட்களில் வருவதால், கூடுதல் விடுமுறை கிடைக்க வாய்ப்பில்லை என்பது தமிழக அரசு ஊழியர்களுக்குச் சோகமான விசயமாகும்.

English Summary:

Tamil Nadu government officials will enjoy 10 extended weekends in 2017 as some of the festivals and national holidays fall either on Monday or on Friday.