தமிழக சட்டப்பேரவை இன்று கூடுகிறது

சென்னை: தமிழகத்தில் புதிய சட்டப்பேரவை உறுப்பினர்கள் பதவியேற்புக்கு பிறகு சட்டப்பேரவை கூட்டம் மீண்டும் இன்று கூடுகிறது.

இந்த கூட்டத்தில், தமிழக சட்டப்பேரவை சபாநாயகராக தனபாலும், துணை சபாநாயகராக பொள்ளாச்சி ஜெயராமனும் போட்டியின்றி தேர்வாகின்றனர்.

சபாநாயகர் தேர்தலுக்கான வேட்பு மனு தாக்கல் நிறைவடைந்த நிலையில், வேறு யாரும் மனுத் தாக்கல் செய்யவில்லை. ஆகையால், சபாநாயகராக தனபாலும், துணை சபாநாயகராக பொள்ளாச்சி ஜெயராமனும் போட்டியின்றி மீண்டும் தேர்வாகின்றனர்.

இன்று காலை 10மணிக்கு கூடும் தமிழக் சட்டப்பேரவை கூட்டத்தில் சபாநாயகர் தேர்தல் குறித்த அதிகாரப்பூர்வ அறிவிப்பு வெளியாவுள்ளது. இன்றைய கூட்டத்தில், எதிர்க்கட்சி தலைவர், காங்கிரஸ் சட்டமன்ற குழு தலைவர், நியமன உறுப்பினர் உள்ளிட்டோரும் பதவியேற்பார்கள் என எதிர்ப்பார்க்கப்படுகிறது.