தமிழகத்தின் அடுத்த முதல்வர் இவர்தானாம்?: கருத்து கணிப்பில் தகவல்!

தமிழகத்தில் 18 எம்.எல்.ஏ.க்கள் தகுதி நீக்கம் செய்யப்பட்டதால் மொத்தமாக 20 தொகுதிகளுக்கு ஆறு மாத காலத்துக்குள் இடைத்தேர்தல் அறிவிக்கப்பட்டால், தமிழகத்தில் மினி சட்டசபை தேர்தலை சந்திக்க வாய்ப்புள்ளதாக கூறப்படுகிறது.

இந்நிலையில் சட்டசபை தேர்தல் நடந்தால் அடுத்த முதல்வர் யார் என்ற பரபரப்பு கருத்து கணிப்பு நடத்தப்பட்டது. இதன் முடிவுகள் தற்போது வெளியாகியுள்ளது. இது குறித்து தனியார் டி.வி., சேனலுடன் , ஆக்சிஸ் மை இந்தியா,பி.எஸ்.இ. சேர்ந்து 39 தொகுதிகளில் 14,820 பேர்களிடம் கருத்து கணிப்பு நடத்தப்பட்டது.

இதில் அ.தி.மு.க., தி.மு.க.வைத்தவிர ரஜினி,கமல் உட்பட அடுத்த முதல்வராக வர வாய்ப்புள்ளவர்களின் சதவீதம் குறித்த கருத்து கணிப்பு வெளியிடப்பட்டுள்ளது.

அதன் விவரம்:

ஸ்டாலின் - தி.மு.க. - 41 சதவீதம்
எடப்பாடி பழனிசாமி - அ.தி.மு.க. 10 சதவீதம்
கமல் - மக்கள் நீதி மய்யம் -8 சதவீதம்
அன்புமணி ராமதாஸ் - பா.ம.க. - 7 சதவீதம்
ரஜினி - ரஜினி மக்கள் மன்றம் -6 சதவீதம்
ஓ. பன்னீர்செல்வம்-அ.தி.மு.க. 6 சதவீதம்
டிடிவி. தினகரன் - அ.ம.மு.க. 6 சதவீதம்
விஜயகாந்த்- தே.மு.தி.க. -5 சதவீதம்

இவ்வாறு அந்த கருத்து கணிப்பு முடிவுகள் தெரிவிக்கின்றன. தவிர அ.தி.மு.க.வில் ஏற்பட்டுள்ள பிளவு தி.மு.க.வுக்கு சாதகம் என்றும் பழனிசாமி அரசு மீது மக்களுக்கு 54 சதவீத அதிருப்தி என்றும் இதில் தெரியவந்துள்ளது.