திரையரங்கு திறப்பு: முதல்வர் நடத்தும் ஆலோசனை!

கொரோனா பொது முடக்கத்தில் பல்வேறு தளர்வுகள் அறிவிக்கப்பட்டு வருகின்றன. அந்த வகையில் இ பாஸ் ரத்து, பொது போக்குவரத்துக்கு அனுமதி ஆகிய மிக முக்கிய அறிவிப்புகள் ஆகஸ்ட் இறுதியிலேயே அறிவிக்கப்பட்டு செப்டம்பர் முதல் நடைமுறைப்படுத்தப்பட்டு வருகிறது.

பள்ளிகள், கல்லூரிகள் திறப்பு, திரையரங்குகள் திறப்பு ஆகியவை குறித்து தமிழக அரசு இன்னும் முடிவுகள் எடுக்கவில்லை. ஆனால் மத்திய அரசு இதற்கு ஏற்கெனவே அனுமதி வழங்கியுள்ளது.

இந்நிலையில் நேற்று திரையரங்க உரிமையாளர்கள் முதல்வர் எடப்பாடி பழனிசாமியை சந்தித்து திரையரங்குகளை திறக்க வேண்டும் என மனு அளித்தனர்.

திமுக கூட்டணியில் சீட் ஒதுக்கீடு: பிகே டீம் போடும் திட்டம்!

இதைத் தொடர்ந்து திரையரங்குகளை உரிய பாதுகாப்புகளுடன் திறப்பது தொடர்பாக அக்டோபர் 28ஆம் தேதி சுகாதாரத் துறை அதிகாரிகளுடன் முதலமைச்சர் எடப்பாடி பழனிசாமி ஆலோசனை நடத்தவுள்ளார்.

நிஜமாவா... கொரோனா இரண்டாவது அலை வருகிறதா; தாக்குப் பிடிக்குமா இந்தியா?

ஒவ்வொரு மாத இறுதியிலும் அடுத்தகட்ட பொது முடக்கத்துக்கு முன்பாக மருத்துவ வல்லுநர்கள், அதிகாரிகள், மாவட்ட ஆட்சியர்களுடன் முதல்வர் எடப்பாடி பழனிசாமி ஆலோசனை நடத்துவதுப்போன்றே இந்த முறையும் ஆலோசனை செய்யவுள்ளார். அதன்பின்னர் இதுகுறித்த அதிகாரபூர்வ முடிவு வெளியாகும் என எதிர்பார்க்கப்படுகிறது.