தமிழ் ராக்கர்ஸ் அட்மின் 4 பேர் கேரளாவில் கைது!

பிரபல திருட்டு இணையதளமான தமிழ் ராக்கர்ஸ் அட்மின் 4 பேரை கேரள பைரசி போலீசார் கைது செய்தனர்.

புதிய திரைப்படங்கள் திரைக்கு வந்த அடுத்த ஒரு மணி நேரத்திலே இணையதளங்களை திருட்டுத்தனமாக வெளியிடப்பட்டு வந்தது. அதில் மிகவும் பிரபலமான இணையதளமான தமிழ் ராக்கர்ஸ், திரைத்துறையினரருக்கு பெருத்த தலைவலியாக இருந்து வந்தது.

இந்நிலையில், தமிழ் ராக்கர்ஸ் இணையதளத்தின் அட்மின் என்று கூறி கேரள போலீசார் நான்கு பேரை கைது செய்துள்ளனர். அவர்கள் நான்கு பேரும் விழுப்புரத்தைச் சேர்ந்தவர்கள் என்று கூறப்படுகிறது. இருந்தபோதிலும், அவர்கள் தான் உண்மையான தமிழ் ராக்கர்ஸ் அட்மினா என்பது சந்தேகத்துக்கு இடமாக உள்ளதாக சமூக வலைதளங்களில் விமர்சித்து வருகின்றனர்.

^{*Disclaimer: டைம்ஸ் ஆஃப் இந்தியா குழுமம் (சமயம்) திருட்டுதனமாக திரைப்படங்களை பதிவிறக்கம் செய்யும் இணையதளங்களை என்றுமே ஆதரிக்காது. இது செய்திக்காக மட்டுமே விளம்பரத்திற்கு அல்ல.}