குடும்பப் பறவையும் அதிக தூரம் பறக்காது: ஸ்டாலினுக்கு நெத்தி அடி பதில்

சென்னை: புதிய பறவை அதிக தூரம் பறக்காது என்றால் குடும்ப பறவைகளும் அதிக தூரம் பறக்காது என்று பாஜகவின் தமிழகத் தலைவர் தமிழிசை சௌந்தர்ராஜன் தெரிவித்துள்ளார்.

“நூறாண்டு கடந்தும் திமுக ஓய்வின்றி உயரே பறந்து கொண்டுதான் இருக்கிறது. ஜனநாயகம் என்பது எல்லோருக்குமான வானம். அரசியல் தட்பவெப்பம் அறிந்து, புதிய புதிய பறவைகள் சிறகடிக்க நினைக்கின்றன.” என்று திமுக செயல் தலைவர் மு.க.ஸ்டாலின் கடந்த 23ஆம் தேதி அறிக்கை வெளியிட்டார்.

கமல்ஹாசன், ரஜினிகாந்த் ஆகியோரை சூசகமாக விமர்சிக்கும் இந்தக் கருத்துக்கு பாஜகவின் தமிழகத் தலைவர் தமிழிசை சௌந்தர்ராஜன் பதிலளித்துள்ளார்.

குமரி மாவட்டம் புங்கரை பகுதியில் செய்தியாளர்களைச் சந்தித்த அவர், “குடும்ப ஆட்சி மறுபடியும் தொடர்ந்து கொண்டிருக்கிறது.” என்று தெரிவித்தார். தொடர்ந்து, “காங்கிரஸில் ராகுல், திமுகவில் உதயநிதி ஸ்டாலின். இதற்கு முற்றுப்புள்ளி வைக்க வேண்டும். புதிய பறவை அதிக தூரம் பறக்காது என்று ஸ்டாலின் குறிப்பிட்டது போல் குடும்ப பறவைகளும் அதிக தூரம் பறக்காது” என்று தமிழிசை குறிப்பிட்டார்.