L.Ganesan: கவர்னராகிறாரா பாஜக மூத்த தலைவர் இல.கணேசன்?

பாஜக இரண்டாவது முறையாக மத்தியில் ஆட்சிக்கு வந்தபிறகு, தன் கட்சியின் மூத்த உறுப்பினர்களுக்கும், கட்சிக்காக பணியாற்றியவர்களுக்கும் பொறுப்புகளை வழங்கி கௌரவித்து வருகிறது. அந்த வகையில் தமிழகத்தில் மூத்த தலைவர் சி.பி.ராதாகிருஷ்ணனுக்கு கயிறு வாரிய தலைவர் பதவி வழங்கப்பட்டது. தமிழக பாஜ தலைவராக இருந்த தமிழிசை சவுந்தரராஜனுக்கு தெலங்கானா கவர்னர் பதவி வழங்கப்பட்டது.

இந்நிலையில் இந்தியாவில் காலியாக உள்ள மாநிலங்களவை இடங்களில், பாஜகவின் முக்கிய தலைவர்களை நியமிக்க பாஜ தலைமை திட்டமிட்டுள்ளது. அதே போல மத்திய அரசின் வாரிய தலைவர்கள் பதவியை வழங்க முடிவு செய்துள்ளதாகவும் தகவல்கள் வெளியாகியுள்ளன.

குறிப்பாக, தமிழகத்தில் விரைவில் சட்டமன்ற தேர்தல் நடைபெற உள்ளதால் அதிகமான கவனத்தை தமிழகத்தின் பக்கம் பாஜக திருப்ப உள்ளதாக கூறப்படுகிறது. எனவே தமிழக மக்கள் கவனம் படும்படியான தலைவர்களுக்கு வாரிய தலைவர், மாநிலங்களவை உறுப்பினர், கட்சியில் தேசிய அளவில் பெரிய பதவி உள்ளிட்டவைகள் வழங்க முடிவு செய்யப்பட்டுள்ளதாக தகவல் வெளியாகியுள்ளது.

பாஜக -தேர்தல் ஆணையம் கூட்டு: அம்பலப்படுத்திய நபருக்கு கொலை மிரட்டல்!

அந்த வகையில், தற்போதைய சூழ்நிலையில் தமிழக பாஜகவின் மூத்த தலைவராக இல.கணேசன் இருந்து வருகிறார். 75 வயதை நிறைவுசெய்ய அனுபவமிக்க அரசியல்வாதியான இல.கணேசனை கவுரப்படுத்தும் வகையில் அவருக்கு கவர்னர் பதவி வழங்கப்படலாம் என்று கூறப்படுகிறது.



பாஜக தலைவர் நியமன விவகாரத்தில் என்னன்னவோ யூகங்கள் எழுந்த நிலையில், யாருமே எதிர்பாராத வகையில் எல்.முருகனை தலைவராக்கியது பாஜக. அதேபோல, இல.கணேசனின் கவர்னர் நியமனம் குறித்த தகவலையும் பொறுத்திருந்துதான் பார்க்கவேண்டும்.