இந்துக்களை தாக்கிய தீவிரவாதிகளை அரஸ்ட் பண்ணுங்க... போலீசுக்கு பாஜக தலைவர் அட்வைஸ்!!

இந்து இயக்கங்களை சேர்ந்தவர்களை கண்மூடித்தனமாக தாக்கிய தீவிரவாத இயக்கங்களை சேர்ந்த அனைவரும் கைது செய்யப்பட வேண்டும் என்று தமிழக பாஜக தலைவர் எல்.முருகன் வலியுறுத்தியுள்ளார்

தமிழக பாஜகவின் புதிய தலைவராக பொறுப்பேற்றுள்ள எல்.முருகன், சென்னையில் இருந்து விமானம் மூலம் கோவை வந்தார். அவருக்கு அங்கு உற்சாக வரவேற்பு அளிக்கப்பட்டது. இதைத்தொடர்ந்து அவர் செய்தியாளர்களிடம் கூறியதாவது:

கோவையில் இந்து இயக்கங்களை சேர்ந்த ஆனந்த், சூரிய பிரகாஷ் ஆகியோர் தீவிரவாதிகளால் கடுமையாக தாக்கப்பட்டுள்ளனர். இந்த சம்பவங்களில் ஒரு சிலரை மட்டுமே போலீஸார் கைது செய்துள்ளனர்.

இச்சம்பவங்களில் தொடர்புடைய தீவிரவாத இயக்கங்களை சேர்ந்த அனைவரும் கைது செய்யப்பட வேண்டும். கோவையில் அமைதி நிலவ வேண்டும். தொடர்ந்து நடைபெறும் தாக்குதல்களை தடுக்க போலீஸார் உரிய நடவடிக்கை எடுக்க வேண்டும்.

தமிழக பாஜக தலைவராக எல்.முருகன் நியமனம்

பாஜகவை வளர்க்க தொய்வின்றி சிறப்பாக பணி செய்கிறோம். எங்கள் கட்சி சாதி, மதத்திற்கு அப்பாற்பட்டது. அனைத்து தரப்பு மக்களையும் அரவணைத்து செல்ல வேண்டும் என்பதே பாஜகவின் நோக்கம் என்றார்.