தமிழக அமைச்சரவைக் கூட்டம் நாளை மறுநாள் கூடுகிறது!

சென்னை: வரும் 9ஆம் தேதி தமிழக அமைச்சரவைக் கூட்டம் நடைபெறுகிறது.

தமிழக அமைச்சரவைக் கூட்டம் முதலமைச்சர் பழனிசாமி தலைமையில் நாளை மறுநாள் கூடுகிறது. அதில் பேரறிவாளன் உள்ளிட்ட 7 பேர் விடுதலை குறித்து ஆளுநருக்கு பரிந்துரை செய்வது குறித்து ஆலோசிக்கப்படும்.

முன்னதாக ராஜிவ் காந்தி கொலை வழக்கில் பேரறிவாளன் உள்ளிட்ட 7 பேரை விடுதலை செய்ய தமிழக அரசே முடிவெடுக்கலாம் என்று உச்சநீதிமன்றம் கூறியுள்ளது.

மேலும் குட்கா ஊழல் விவகாரத்தில் தற்போதைய டிஜிபி ராஜேந்திரன், சுகாதாரத்துறை அமைச்சர் விஜய பாஸ்கர் உள்ளிட்டோரின் வீடு மற்றும் அலுவலகங்களில் சிபிஐ சோதனை நடத்தி, தமிழகத்தை அதிர்ச்சிக்கு ஆளாக்கியுள்ளது.

எனவே இந்த ஊழல் விவகாரத்தில் தொடர்புடைய அதிகாரிகள் உடனடியாக பதவி விலக எதிர்க்கட்சிகள் கோரிக்கை விடுத்து வருகின்றன. இதுகுறித்தும் முக்கிய முடிவுகள் எடுக்கப்படலாம் என்று கூறப்படுகிறது.

Tamilnadu Cabinet meeting will be held on 9th september.