அரசு மருத்துவனையில் சிகிச்சை பெற்ற தலைமை செயலாளர்!

சென்னை ராஜீவ்காந்தி அரசு மருத்துவமனையில் தலைமை செயலாளர் கிரிஜா வைத்தியநாதன் சிகிச்சை பெற்றுள்ளார்.

தமிழகத்தில் அரசு மருத்துவனைகள் எவ்வளவு தான் தரமாக இருந்தாலும், அரசியல் பிரமுகர்கள் முதல் நடுத்தர மக்கள் வரை அனைவரும் தனியார் மருத்துவமனையை நாடுவது வழக்கம். அந்த வகையில், தமிழக தலைமை செயலாளர் கிர்ஜா வைத்தியநாதன் இதற்கெல்லாம் ஒரு முற்றுப்புள்ளி வைக்கும் விதமாக செயல்பட்டுள்ளார். ஆம், வலது காலில் ஏற்பட்ட காயத்திற்கு சென்னை ராஜீவ்காந்தி அரசு மருத்துவமனையில் சிகிச்சை பெற்று தற்போது வீடு திரும்பியுள்ளார். மாநிலத்தின் தலைமை செயலாளர் என்பவர் மாநிலத்திலுள்ள அனைத்து ஐஏஎஸ் மற்றும் ஐபிஎஸ் அதிகாரிகள் அனைவருக்கும் தலைமை பொறுப்பில் இருப்பவர்.

அரசு அதிகாரிகள் அரசு மருத்துவமனையில் சிகிச்சை பெற்றால் தான், மருத்துவமனை தரமானதாக இருக்கும் என்று சினிமாவில் மட்டும் தான் சில காட்சிகள் வரும். ஆனால், நிஜத்தில், உயர்ந்த பதவியில் இருக்கும் அதிகாரி ஒருவர் அரசு மருத்துவமனைக்கு சென்று சிகிச்சை பெற்றுள்ளது சாதாரண நடுத்தர மக்களுக்கும் அரசு மருத்துவமனை மீது நம்பிக்கை ஏற்படுத்தும் விதமாக அமைந்துள்ளது. இதனால், அரசு மருத்துமனைகளின் தரம் உயரவும் வாய்ப்புள்ளதாக கூறப்படுகிறது என்பது குறிப்பிடத்தக்கது.