அப்போலோ மருத்துவமனை விரைகிறார் ஆளுநர் வித்யாசாகர் ராவ்!

முதலமைச்சர் ஜெயலலிதாவின் உடல்நிலை பாதித்ததை தொடர்ந்து, ஆளுநர் வித்யாசாகர் ராவ், அப்போலோ மருத்துவமனை வருகிறார்.

மகாராஷ்டிரா மாநிலத்தின் ஆளுநராக வித்யாசாகர் ராவ், தமிழகத்தின் கூடுதல் ஆளுநராக நியமிக்கப்பட்டுள்ளார். அவர், அவ்வப்போது மும்பையில் இருந்து சென்னை வந்து, அரசு நிர்வாகப் பணிகளை பார்வையிட்டுச் செல்வது வழக்கமாகும்.

இதன்படி, முதலமைச்சர் ஜெயலலிதா மருத்துவமனையில் அனுமதிக்கப்பட்ட நிலையில், அவரை அடிக்கடி வித்யாசாகர் ராவ் நேரில் வந்து பார்வையிட்டுச் செல்கிறார். இந்நிலையில், இன்று மாலை முதலமைச்சர் ஜெயலலிதாவுக்கு மாரடைப்பு ஏற்பட்டுள்ளதாகக் கூறப்படுவதால், அவரை பார்வையிட ஆளுநர் வித்யாசாகர் ராவ், சென்னை விரைந்துள்ளார்.

மும்பையில் இருந்து, புறப்பட்டுள்ள அவர், இன்று நள்ளிரவுக்குள் அப்போலோ மருத்துவமனை வந்தடைவார் என, தகவல்கள் தெரிவிக்கின்றன.

Tamilnadu Governor to visit Apollo Hospital