கனமழை, மேக மூட்டம்... உங்க ஊர் வானிலை நிலவரத்த தெரிஞ்ச்சுக்கோங்க!

தமிழ்நாட்டில் வடகிழக்குப் பருவமழைத் தொடங்கிப் பரவலாக நல்ல மழைப் பொழிவை அளித்து வருகிறது. மாநிலத்தில் உள்ள பெரும்பாலான நீர் நிலைகள் நிரம்பி வருகிறது. சென்னையில் பரவலாக ஓரளவு, நிலத்தடி நீர் மட்டம் உயர்ந்துள்ளது. பருவ மழை சரியான நேரத்தில் தொடங்கிப் பரவலாக மழை பெய்து வருவது விவசாயிகள் மத்தியில் மகிழ்ச்சியை ஏற்படுத்தியுள்ளது.

இதற்கிடையில், வங்கக் கடலில் 10 நாள் இடைவெளியில் 3 புயல்கள் உருவானது. கியார், மகா, புல்புல் எனப் பெயரிடப்பட்ட அந்த புயல்களால் தமிழ்நாட்டுக்கு மழைப் பொழிவு இல்லை என்பதை வானிலை ஆய்வு மையம் தெரிவித்தது. அதன்படியே, கியார், மகா புயல்கள் தமிழ்நாட்டைத் தாக்கவில்லை. இந்நிலையில், இப்போது வடமேற்கு திசையில் நகர்ந்து வரும் புல்புல் புயலாலும் தமிழ்நாட்டுக்குப் பாதிப்பில்லை எனக் கூறப்பட்டது.

அயோத்தி வழக்கு தீர்ப்பு: ரஜினி சொன்னது என்ன?

இந்நிலையில், புயல் குறித்தும் தமிழ்நாட்டில் அடுத்த 24 மணி நேர வானிலை நிலவரம் குறித்தும் சென்னை வானிலை ஆய்வு மையம் கூறியதாவது:
தமிழ்நாடு மற்றும் புதுச்சேரியில் வெப்ப சலனம் காரணமாக, அடுத்த 24 மணி நேரத்தில் ஆங்காங்கே மழை பெய்யும். குறிப்பாகத் தமிழ்நாட்டின் உள்வட்டங்களிலும், தென்மாவட்டங்களிலும் அனேக இடங்களில் லேசான மழையும், ஒரு சில இடங்களில் கனமழையும் பெய்யும் என எதிர்பார்க்கப்படுகிறது.

சென்னையைப் பொறுத்தவரை வானம் மேகமூட்டத்துடன் காணப்படும். சென்னையில் வெப்பநிலை, அதிகபட்சமாக 35 டிகிரி வரையும் குறைந்தபட்சம் 26 டிகிரி வரையும் பதிவாகும் என எதிர்பார்க்கப்படுகிறது.

சிகாகோவில் வேட்டி, சட்டையில் துணை முதல்வர் பன்னீர் செல்வம்!!

கடந்த 24 மணி நேரத்தில் பதிவான மழை நிலவரத்தைப் பொறுத்தவரை, நாமக்கல்லில் 14 செமி, திருவண்ணாமலை 9 செமி, விருதுநகர், கன்னியாகுமரியில் தலா 7 செமி மழைப் பதிவாகியிருந்தது.
இவ்வாறு கூறியுள்ளது. புல்புல் புயல் காரணமாக, தமிழ்நாட்டு மீனவர்களுக்கு எந்த எச்சரிக்கையும் விடப்படவில்லை. அதே நேரத்தில், ஒரிசா, வங்கதேசம் கடல் பகுதிகளுக்கு யாரும் செல்ல வேண்டாம் என எச்சரிக்கை விடப்பட்டுள்ளது.