என்.எல்.சி விவகாரம்: முதல்வர் ஸ்டாலின் அமைத்த உயர்மட்ட குழு - அமைச்சர் விளக்கம்!

நெய்வேலி என்எல்சி நிறுவனத்திற்காக விவசாயிகள், பொது மக்களின் நிலம் கையகப்படுத்தப்படுவதற்கு எதிர்ப்பு தெரிவித்து பல்வேறு கட்சிகளும் தொடர்ந்து போராட்டத்தில் ஈடுபட்டு வருகின்றனர்.

சட்டமன்றத்தில் கவன ஈர்ப்பு தீர்மானம்!

இது தொடர்பாக சட்ட மன்றத்தில் திமுக, அதிமுக, காங்கிரஸ், விசிக உள்ளிட்ட கட்சி உறுப்பினர்கள் கவன ஈர்ப்பு தீர்மானத்தைக் கொண்டு வந்தனர்.

நிலம் கொடுத்தவர்களுக்கு வேலை?

இதற்கு தொழில்த்துறை அமைச்சர் தங்கம் தென்னரசு பதில் அளித்து பேசினார். அப்போது பேசிய அவர், "என்எல்சி நிறுவனத்தில் தற்போது 1711 காலி பணியிடங்கள் விரைவில் நிரப்பப்பட உள்ளன. இவற்றில் நிலம் அளித்தவர்களுக்கு கூடுதலாக 20 மதிப்பெண்கள் வழங்கப்படும் என்று என்எல்சி நிறுவனம் தெரிவித்துள்ளது.
ஆன்லைன் சூதாட்ட நிறுவனங்களுக்கும் அமைச்சர்களுக்கும் டீலிங்: கொளுத்தி போட்ட அண்ணாமலை
உயர் மட்ட குழு!

ஒரு ஏக்கருக்கு ரூ.25 லட்சம் இழப்பீடு வழங்கப்படும். இது தொடர்பான பேச்சுவார்த்தை இறுதிகட்டத்தில் உள்ளது. இதை உறுதிசெய்ய உயர்மட்ட குழுவை முதலமைச்சர் அமைத்துள்ளார். விவசாயிகளுக்கு பாதிப்பு இல்லாத வகையில் நடவடிக்கை எடுக்க முதலமைச்சர் அறிவுறுத்தி உள்ளார்.
மம்தா பான்ர்ஜி - நவீன் பட் நாயக் சந்திப்பு: மூன்றாவது அணி வேலைகள் தொடங்கிவிட்டதா?
தேவைக்கு அதிகமாக நிலம் எடுக்கப்படாது!

ரூ.100 கோடி சிஎஸ்ஆர் நிதியை கடலூர் மாவட்டத்தில் செலவு செய்ய என்எல்சி நிறுவனம் ஒப்புதல் தெரிவித்துள்ளது. 60,000 ஏக்கர் நிலம் கையகப்படுத்தப்படவில்லை. தேவைக்கு அதிகமான நிலங்களை கையகப்படுத்தும் பணியை அரசு ஒருபோதும் மேற்கொள்ளாது" என்று விளக்கம் அளித்தார்.